Рӯзи 18-уми сентябри соли 2013 Муовини якуми Раиси Маҷлиси намояндагони Маҷлиси Олии Тоҷикистон Амиршо Миралиев намояндагони Кумитаи байналмилалии Салиби Сурх (КБСС)-ро ба ҳузур пазируфт.
Тавре Нодир Аминзода, масъули бахши иттилооти Ҷамъияти Ҳилоли Аҳмари Тоҷикистон хабар дод, сӯҳбат дар атрофи масоили ҳамкориҳои ба ҳар ду ҷониб судманд ҷараён гирифта, нахуст Амиршо Миралиев ба меҳмонон мухтасар оид ба раванди истиқлолияти давлатии Тоҷикистон, корҳои ободонӣ ва созандагии давлат ва ҳукумати кишвар, сиёсати дохилӣ ва хориҷии мамлакат маълумот дод ва нақши ҷомеаи ҷаҳонӣ дар барқарорсозии сулҳу субот, кумакҳои ташкилотҳои башардустона аз ҷумла Кумитаи байналмилалии Салиби Сурхро ба мардуми ҷумҳурӣ мухсус таъкид кард. Вай ҳамчунин таваҷҷуҳи меҳмононро ба масъалаҳое, ки вобаста ба онҳо бо КБСС дар оянда ҳамкориҳоро вусъат бахшидан мумкин аст, ҷалб кард.
Дар ин робита Амиршо Миралиев иброз дошт, ки мо омодаем барои фаъолияти минбаъдаи пурсамар ва манфиатбахши КБСС дар Тоҷикистон мусоидат намоем.
Сардори Сарраёсати КБСС оид ба ҳамкорӣ бо кишварҳои Аврупо ва Осиёи марказӣ Лоран Корба аз пешниҳоди маълумоти муфассал ва пазироии самимона изҳори миннатдорӣ карда, ин мулоқотро судманд арзёбӣ кард. Вай низ дар бораи фаъолияти КБСС дар кишварҳои ҷаҳон ахбороти мухтасар пешниҳод карда, роҷеъ ба самтҳои ҳамкорӣ бо Ҷумҳурии Тоҷикистон ҳарф зад.
Зимни мулоқот як нуктаи ҷолиб махсус таъкид гардид, ки Тоҷикистон дар миёни кишварҳои ИДМ ягона давлатест оид ба фаъолияти Ҷамъияти Ҳилоли Аҳмар қонуни махсуси худро дорад.
Дар мулоқот роҳбари Намояндагии минтақавии КБСС барои кишварҳои Осиёи Марказӣ Жак Вийетта, сардори намояндагӣ дар Тоҷикистон Северин Шаппаз, корманди КБСС Валерий Ярмак ва директори генералии Ҷамъияти Ҳилоли Аҳмари Тоҷикистон Зафар Муҳаббатов иштирок доштанд.
Видоъ бо Иброҳим Раисӣ дар Душанбе
Мотами миллӣ дар Эрон. Иброҳим Раисӣ кӣ буд, чӣ гуфт ва чӣ кард?
Гумонбарони амали террористӣ дар “Крокус” аз қарори тамдиди муҳлати боздошт шикоят набурданд
Нархи карбамид дар Тоҷикистон ду баробар поин рафт
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Кулли ахбор
Авторизуйтесь, пожалуйста