Дар доираи сафари корӣ ба вилояти Суғд президенти Тоҷикистон Эмомалӣ Раҳмон имрӯз аз ҶСП “Оби Зулол” дар Истаравшан боздид намуд.

Бино ба иттилои хадамоти матбути сарвари давлат, дар ин ҷо ӯ ду хати нави технологии истеҳсоли нӯшокиҳои ташнашикан, афшураву шарбат ва ғизои кӯдакона бо шаҳду шарбатҳо ва мураббои мевагиро боз кард.

1/21

Дар деҳаи Далёни поёни ноҳияи Деваштич Эмомалӣ Раҳмон бо бардоштани парда аз рӯйи лавҳи рамзӣ Беморхонаи ноҳиявии №5-ро, ки бо таҷҳизоти муосири тиббӣ таъмин аст, ифтитоҳ намуд.

Беморхонаи мазкур дорои 4 ошёна буда, аз шуъбаҳои таваллуд, қабул ва таҳлилгоҳ бо маҷмӯи гузаронидани амалиёти ҷарроҳӣ, утоқи хатнаи кӯдакон, касалиҳои узвҳои дарунӣ ва бачагона иборат мебошад.

1/7

Дар деҳаи Далёни болои ин ноҳия сарвари давлат аз хоҷагии деҳқонии “Шердил” боздид намуда, бо намоиши маҳсулоти кишоварзии деҳқонон шинос шуд.

1/13

Сафари кории сарвари давлат ба вилояти Суғд идома дорад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.