Муҳоҷират ва мушкилоти алоқаманд ба он яке аз масъалаҳое, буд ки зимни ҷаласаи мушовараи якҷояи вазоратҳои корҳои дохилии Тоҷикистону Русия баррасӣ гардид.
Ҷаласаи мазкур бо иштироки Рамазон Раҳимзода, вазири корҳои дохилии Тоҷикистон ва Владимир Колоколтсев, вазири корҳои дохилии Русия рӯзи 5-уми июн, дар шаҳри Гулистони вилояти Суғд баргузор шуд.
Аммо тафсилоти баррасии мавзӯи муҳоҷират ва мушкилоти он ироа нагардидааст.
Сомонаи ВКД-и Тоҷикистон менависад, ки дар ин ҷаласа ҳамчунин, масъалаҳои муборизаи дастаҷамъона бар зидди хатарҳои замони муосир аз қабили терроризму эктремизм, муомилоти ғайриқонунии маводи мухаддир, тақвият бахшидани ҳамкориҳои минбаъдаи мақомотҳои корҳои дохилии ду кишвари дӯст барои боздошти ҷинояткорони ҷустуҷӯшаванда, истифода аз малакаи касбии сохторҳои ташхиси криминалистӣ, тафтишоту таҳқиқ, хадамоту дастгоҳҳои оперативӣ ва алоқа баррасӣ гардиданд.
“Намояндагони масъули Вазоратҳои корҳои дохилии ду кишвар зимни суханрониашон аз таъсиси чунин мушовараи муштарак изҳори қаноатмандӣ намуда, баргузории мушовараҳоро дар наздик намудани муносибатҳои пайвандӣ ва кории ду кишвар арзёбӣ намуданд”, - таъкид мешавад дар хабари сомонаи ВКД.
Пас аз анҷоми ҷаласа, роҳбарони вазоратҳои корҳои дохилии ду кишвар чанд созишномаи нави ҳамкорӣ ба имзо расонида, барои гуруҳе аз журналистон нишастӣ хабарӣ ташкил кардаанд.
Бояд гуфт, ки ҷаласаи якҷояи мазкур дар пасманзари боздошту латукӯби беасоси муҳоҷирони корӣ ва донишҷӯёни тоҷик дар Русия баргузор мешавад.
Мақомоти Тоҷикистон, аз ҷумла вазири корҳои дихилӣ, прокурори генералӣ ва ваколатдор оид ба ҳуқуқи инсон бо ирсоли мактуб ба ҳамтоёни руси худ, тақозо карданд, ки рафтори кормандони мақомоти ҳифзи ҳуқуқ таҳқиқ гардида, ҳодисаҳо ба таври одилона таҳқиқ карда шавад.
Мақомоти Русия то ҳол сабабу омили боздошту латукӯби оммавии муҳоҷирони тоҷикро шарҳ надодааст.
“Шавҳаратро ёфта биёр, пулатро мерӯёнем”. Саргардонии як зан барои рӯёнидани ҳаққи кӯдаконаш аз падарашон
Боздошти як мард бо гумони фиреби хоҳишмандони кор дар Аврупо
“Хабари паҳнгардида асос надорад!”. Милитсияи пойтахт гуфт, ба аҳолӣ тавассути “WhatsApp” паём нафиристодааст
Раиси як ҷамоатро барои “ҳоҷиошӣ” беш аз 57 ҳазор сомонӣ ҷарима ва аз вазифа барканор карданд
Бекор шудани маҳдудият дар фурӯши гази моеъ нархи онро каме поин кард
Дар Ховалинг мактаберо ба номи як қурбонии низои марзии Тоҷикистону Қирғизистон гузоштанд
Ӯзбекистон расмиёти дохилии тартиби соддакунии боркашонӣ бо Тоҷикистонро ба анҷом расонид
Шаҳрвандии Русия дореду дар қайди ҳарбӣ нестед. Метавонед аз шаҳрвандӣ маҳрум шавед
Оё электромобилҳо метавонанд камбуди мавсимии неруи барқро дар Тоҷикистон зиёдтар кунанд?
Зиндагии маъмулӣ пас аз зиндон. Маҳбусони собиқ чӣ гуна ба он бармегарданд?
Кулли ахбор
Авторизуйтесь, пожалуйста