Дирӯз, 8-уми июн, Муҳаммад Ҷаъфар Мунтазирӣ, додситони кулли Эрон ба Тоҷикистон омада, бо Юсуф Раҳмон, додситони кулли Тоҷикистон ва Раҷаббой Аҳмадзода, раиси вилояти Суғд мулоқот кардааст. Ҷонибҳо аз тақвияти ҳамкорӣ, истирдоди ҷинояткорон ва бозпас додани маҳкумшудагон ва вазъ дар Афғонистон гуфтугӯ кардаанд.
Ба иттилои хабаргузории эронии “ИРНА”, Муҳаммад Ҷаъфар Мунтазирӣ бо даъвати Юсуф Раҳмон ба Тоҷикистон ташриф овардааст.
“Ин сафар дар чаҳорчӯби тавсеаи ҳамкориҳои додгоҳӣ, пайгирии ёддошти тафоҳум ва дар посух ба сафари Додситони кулли Тоҷикистон ба Эрон сурат гирифтааст”, - менависад “ИРНА”.
Бояд гуфт, ки Додситони кулли Тоҷикистон 7-уми феврали соли 2022 дар раъси ҳайати ҳамроҳ бо сафари расмӣ ба Ҷумҳурии Исломии Эрон рафта, бо Додситони кулли ин кишвар мулоқот карда буд.
Дар ҳамин ҳол, Додситонии кулли Тоҷикистон иттилоъ медиҳад, ки дирӯз Юсуф Раҳмон бо Муҳаммад Ҷаъфар Мунтазирӣ мулоқот карда, “масъалаҳои ҳамкории мақомоти ду кишвар дар самти муборизаи муштарак бо ҷинояткорӣ, расонидани ёрии ҳуқуқӣ оид ба парвандаҳои ҷиноятӣ, истирдоди ҷинояткорон ва бозпас додани маҳкумшудагон”-ро баррасӣ кардаанд.
“Инчунин, бо назардошти вазъ дар Афғонистон ба роҳ мондани таҷрибаи пурсамари мубодилаи маълумоти фаврӣ дар самти муқовимати бевосита ба терроризми байналмилалӣ ва ифротгароӣ муҳокима гардиданд”, - менависад Додситонии кулли Тоҷикистон.
Пас аз мулоқоту музокирот бо додситони кулли Тоҷикистон Муҳаммад Ҷаъфар Мунтазирӣ ба шаҳри Хуҷанд сафар карда, бо раиси вилояти Суғд Раҷаббой Аҳмадзода мулоқот намуд.
“Зимни суҳбати самимӣ ҷонибҳо перомуни густариши робитаҳои дӯстонаи Ҷумҳурии Исломии Эрон ва Ҷумҳурии Тоҷикистон мубодилаи афкор намуданд”, - омадааст дар хабари Хадамоти матбуоти раиси вилояти Суғд.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста