Пагоҳ, 5-уми июл, бинои нави ҳукумат ва парлумони Тоҷикистон ифтитоҳ мешавад. Дар ин бора як манбаъ аз парлумони кишвар ба “Азия-Плюс” иттилоъ дод.
Ба гуфтаи ҳамсӯҳбати мо, ифтитоҳи ин ду бинои нав соати 18:00-и рӯзи 5-уми июл ба нақша гирифта шудааст.
Дар маросими кушодашавии бинои нави ҳукумат ва парлумон президенти Тоҷикистон Эмомалӣ Раҳмон ва ҳамтои чиниаш Си Ҷинпин ширкат меварзанд.
“Ҳама вакилони халқ дар маросими ифтитоҳи бинои нави парлумон даъват шудаанд ва бояд ширкат кунанд. Инчунин, баъзе намояндагони Чин ҳам дар ин маросим иштирок менамоянд”, - гуфт ҳамсӯҳбати мо.
Аммо ӯ дақиқ нагуфт, ки вакилони парлумони кишвар кай дар бинои нав корро оғоз мекунанд.
Бояд гуфт, ки бинои нави ҳукумат ва парлумони Тоҷикистон бо маблағгузории Чин сохта шудаанд: Чин барои сохтмони ин биноҳо ба сифати кумаки бебозгашт 1,5 млрд юан (беш аз 200 млн доллар) ҷудо карда буд.
Ёдовар мешавем, ки биноҳои мазкур давоми 6 сол сохта шуданд: рӯзи 13-уми октябри соли 2018 дар шаҳри Душанбе президенти Тоҷикистон Эмомалӣ Раҳмон бо раиси Маҷлиси миллии Маҷлиси Олӣ, шаҳрдори Душанбе Рустами Эмомалӣ барои оғози корҳои сохтмонӣ дар биноҳои парлумон ва ҳукумати Тоҷикистон санги асос гузошта буданд.
“Аудикитоб” бо Субҳон Ҷалилов. Маснавии маънавӣ. Ҳикояи “Оташ ва саҷда бар бут”
Радар ва камераҳои Душанбе. Дар куҷо насб гардида, кадом қонуншиканиҳоро сабт мекунанд ва андозаи ҷаримаҳо чӣ қадар аст?
“Аудикитоб” бо Субҳон Ҷалилов. Маснавии маънавӣ. Ҳикояи “Ишқи шоҳ ба каниз”
“Аудикитоб” бо Субҳон Ҷалилов. Маснавии маънавӣ. Пешгуфтор ва ҳикояи “Баққол ва тӯтӣ”
“Дилшоди СБ” дар Тоҷикистон ва бо ҳузури худаш муҳокима шудааст
Эмомалӣ Раҳмон ва Си Ҷинпин аз “ҳамкории муваффақ”, “ояндаи дурахшон” ва “сарнавишти ягона” гуфтанд
Интиқоли пул ба Тоҷикистон дар замони ҷанги Русия ва Украина қариб ду баробар афзуд
Оғози парвандаи ҷиноятӣ нисбати ду зане, ки ҳамсояи худро латукӯб карданд
Ташкили ҳукумати ҳамашумул. Путин бори дигар ба талаби Тоҷикистон аз Толибон таъкид кард
Зиёда аз 500 муҳоҷир маҷбурӣ аз Хабаровск хориҷ шуданд
Кулли ахбор
Авторизуйтесь, пожалуйста