Суиқасд ба ҷони журналисти маъруфи тоҷик Додоҷон Атовуллоев метавонад ҷанбаи сиёсӣ дошта бошад, зеро ӯ ба фаъолияти сиёсӣ машғул буда, душмани ашаддии ҳукумати Тоҷикистон маҳсуб меёфт, - изҳор кард дар робита ба гуфтаҳо дар бораи эҳтимоли аз ҷониби Душанбе фармоиш шудани ин амал ин амал роҳбари медиа-холдинги «Tajinfo», коршиноси масоили сиёсӣ Муҳаммад Эгамзод.
Аммо, зикр кард вай, намояндаи Вазорати корҳои хориҷии Тоҷикистон изҳор кард, ки Тоҷикистон низ дар ҳарчи зудтар ошкор кардани паҳлӯҳои ин ҷиноят манфиатдор аст ва бо ин ҳама гуна гумони даст доштани ҳукуматдорони тоҷик дар содир намудани ин ҷиноятро рад сохт.
«Хуб мебуд, агар мақомоти ҳифзи ҳуқуқи Тоҷикистон дар ошкор сохтани ин ҷиноят бо ҳамтоҳои русиягии худ ҳамкорӣ мекарданд», - мегӯяд Эгамзод.
Коршинос даст доштани мухолифони ҳукумати Тоҷикистон дар ин ҷиноятро аз эҳтимол дур намедонад.
«Шояд ин амали ҳадафмондонаи ин нерӯҳо дар остонаи интихоботи президентии соли 2013 дар Тоҷикистон бошад, - тахмин мезанад ӯ. – Дар ин сурат Русия ҳам, ки дар қаламрави он ҷинояти мазкур содир шуд, ба ҳарчи зудтар ошкор гардидани он манфиатдор мебошад, зеро суиқасд ба ҷони шаҳрванди хориҷӣ, ки дар паноҳгоҳи сиёсӣ дар Олмон қарор дорад, содир шудааст».
Эгамзод аз эҳтимол дур намедонад, ки «шояд ин ҷиноят натиҷаи мухолифат миёни худи тоҷикони Русия бошад, зеро солҳои ахир чунин ҳодисаҳо дар ҳоли афзоишанд.
«Изҳороти Д.Атовуллоев дар ВАО ва телевизиони Русия оид ба боздошти халабонони русу эстонӣ дар Тоҷикистонро на ҳама тоҷикони муқими Русия хуб пазируфтанд. Шахсоне ҳам буданд, ки ин изҳоротро қотеъона маҳкум намуданд ва шояд ҳамин тариқ аз ӯ қасос ситонида бошанд».
Ёдрас мекунем, ки шаби 13-уми январ дар яке аз тарабхонаҳои шаҳри Маскав ба журналисти тоҷик Додоҷон Атовуллоев дарафтода, ӯро захмӣ намуданд.
Ин ҳодиса миёни соатҳои 9 ва 10-и шаб дар тарабхонаи итолиёвии «Виаҷио» ба вуқӯъ пайваст. Ба ӯ шахси «симои осиёидошта» дарафтода, ду маротиба бо корд зарба задааст. Д.Атовуллоев дар ҳолати вазнин ба беморхонаи ба номи Склифосовский мунтақил гардида буд.
Бино ба шаҳодати табибон, ҷарроҳии аввал хуб гузашта, феълан ба ҳаёти Д.Атовуллоев чизе таҳдид намекунад.
Роҳбари ҳаракати мухолифи ҳукумати «Ватандор» Додоҷон Атовуллоеви 56-сола ҳамеша ҳукумат ва президенти Тоҷикистон Эмомалӣ Раҳмонро мавриди интиқод қарор медиҳад. Солҳои ахир ӯ дар Русияву Олмон зиндагӣ мекунад.
Соли 2011 Прокуратураи генералии Тоҷикистон бори навбатӣ нисбат ба ӯ парвандаи ҷиноӣ боз намуда, аз Русия тақозо кард, ки Д.Атовулооев ба ватан истирдод гардад, вале ин дархост низ чун дархостҳои пешина аз ҷониби Русия қонеъ нагардид.
Афви зиндониён. Имрӯз 697 нафари дигар аз зиндонҳои Тоҷикистон озод шуданд.
Як сол баъди ҳамла ба “Крокус”. Пайвандони 4 гумонбари асосӣ дар чӣ ҳоланд ва дар бораи фарзандонашон чӣ медонанд?
Чашм во кун, рангу асрори дигар дорад баҳор... Андар муносибати ҷашни Наврӯз ба дину мазҳаб
Афви тақрибан 900 зиндонӣ. Аллакай, 200 кас аз зиндонҳои Тоҷикистон озод шуданд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 22 марти соли 2025
Суманак – сӣ малак? Аз ривоятҳо то ҳақиқати суманак
Наврӯз-бузургтарин ҷашни миллӣ муборак бод!
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 21 марти соли 2025
Интернет дар Тоҷикистон арзон мешавад?
Таъкиди раиси ҷумҳур ҳам асар накард? “Маршировка”-и садҳо донишҷӯй дар Хуҷанд барои таҷлили ҷашни Наврӯз
Кулли ахбор
Авторизуйтесь, пожалуйста