Душанбе. 24-уми июл. «Азия-Плюс» — Дар Агентии назорати маводи нашъаовари назди Президенти Ҷумҳурии Тоҷикистон вохӯрии Директори Агентӣ генерал-лейтенанти милитсия Р. Назаров бо намояндаи махсуси Иттиҳоди Аврупо оид ба Осиёи Марказӣ хонум Патрисия Флор баргузор гардид.
Тавре аз Агентии мазкур иттилоъ доданд, дар мулоқот собиқ намояндаи махсуси Иттиҳоди Аврупо оид ба Осиёи Марказӣ ҷаноби Пйер Морел, ки ваколатҳои хизматиаш ба анҷом расиданд, ҳамчунин дигар шахсони расмӣ иштирок намуданд.
Дар ҷараёни вохӯрӣ масъалаҳои асосии ҳамкориҳои миёни Тоҷикистон ва Иттиҳоди Аврупо, инчунин ҳамкориҳо дар масъалаҳои вобаста ба вазъи нашъамандӣ дар Ҷумҳурии Тоҷикистон, ҳамкориҳои минбаъдаи зиддимухаддиротӣ дар минтақа, бозомӯзии кормандон, ҳамчунин масъалаи дурнамои рушди вазъи вобаста ба маводи мухаддир баъди соли 2014, ки баровардани нерӯҳои асосии байналмилалӣ аз Афғонистон ба итмом мерасад, мавриди баррасӣ қарор гирифтанд.
Директори Агентӣ дар бораи чораву тадбирҳое, ки Ҳукумати Ҷумҳурии Тоҷикистон дар самти назорати маводи мухаддир меандешад, муфассал нақл карда, меҳмонҳоро бо вазъи мухаддиротӣ дар ҷумҳурӣ ва минтақа, фаъолияти мақомоти ҳифзи ҳуқуқ ва сохторҳои қудратӣ дар мубориза бо муомилоти ғайриқонунии маводи нашъадор шинос намуд.
Хонум Патрисия Флор ба масъалаҳои муҳокимагардида таваҷҷӯҳи хоса зоҳир намуда, изҳор кард, ки барои таҳкими минбаъдаи ҳамкориҳо дар ин самт мусоидат хоҳад кард.
Дар поёни мулоқот ҷонибҳо ба ҳамкориҳои Иттиҳоди Аврупо ва Ҷумҳурии Тоҷикистон дар масъалаи мубориза бо гардиши ғайриқонунии маводи нашъадор, ки ҳиссаи ҷаноби Пйер Морел хеле арзанда мебошад, баҳои баланд доданд ва изҳори умед карданд, ки ин ҳамкориҳо минбаъд ҳам густариш хоҳанд ёфт.
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Вопасин афсона”
Бе “Занги охирин”. Донишҷӯёну хонандагони мактаб дар Тоҷикистон кай ба таътили тобистона мебароянд?
Дар Душанбе курси омӯзиши касби кафшергар барои кор дар Кореяи Ҷанубӣ боз шуд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 4 апрели соли 2025
“Сифату маънӣ костааст”. Сокинон оид ба мазмуну сифати адабиёти муосири бачагонаи тоҷик чӣ андеша доранд?
Мулоқоти Эмомалӣ Раҳмон бо роҳбарони Иттиҳоди Аврупо ва Шавкат Мирзиёев дар Самарқанд
Дар Тоҷикистон мусобиқаи фарогир барои футболбозони ҷавон баргузор мегардад
Об набошад, ғизо ҳам намешавад. Ба Осиёи Марказӣ хавфҳоро хотиррасон карданд
Баррасии сохтмони корхонаҳои муштараки бофандагию дорусозӣ дар мулоқоти роҳбарони Тоҷикистону Тотористон
Эмомалӣ Раҳмон шаш узви Маҷлиси миллӣ ва рӯзи иҷлосияи якуми онро таъин кард
Кулли ахбор
Авторизуйтесь, пожалуйста