Департаменти мониторинги молиявии Бонки миллии Тоҷикистон ба руйхати миллии шахсони воқеие, ки бо терроризм ва экстремизм алоқамандӣ доранд, тағйирот ворид намуд.
Феҳристи миллии ягонаи қаблан мавҷудаи шахсони воқеии алоқаманд бо терроризму ифротгароӣ акнун ба ду рӯйхат тақсим шудааст:
1. «Рӯйхати шахсони воқеие, ки аз ҷониби Тоҷикистон ҳамчунин шахсони алоқаманд бо терроризм эътироф шудаанд»;
2. «Рӯйхати шахсони воқеие, ки аз ҷониби Тоҷикистон ҳамчунин шахсони алоқаманд бо ифротгароӣ эътироф шудаанд».
Зарурати ворид намудани ин тағйирот шарҳ дода намешавад.
Дар рӯйхати шахсони воқеие, ки аз ҷониби Тоҷикистон ҳамчунин шахсони алоқаманд бо терроризм эътироф шудаанд, 1234 нафар шомил буда, аз ҷумла раиси Ҳизби фаъолияташ дар Тоҷикистон манъшудаи наҳзати исломӣ Муҳиддин Кабирӣ дар он ҳузур дорад.
Феҳристи шахсони алоқаманд бо ифротгароӣ (экстремизм) аз 122 нафар иборат буда, ин ҷо журналисти маъруфи тоҷик Додоҷони Атовулло зикр ёфтааст.
Қобили зикр аст, ки рӯйхати шахсоне, ки барои содир намудани ҷиноятҳои вазнин, аз ҷумла алоқамандӣ бо террористон мавриди ҷустуҷӯ эълон шудаанд, соли охир ба беш аз ҳазор нафар афзуд: як сол пеш дар ин рӯйхат ҳамагӣ беш аз 200 нафар ҳузур доштанд.
Дар рӯйхати миллӣ ҳамчунин шахсони ҳуқуқие низ зикр шудаанд, ки бо терроризм ва эстремизм алоқамандӣ доранд.
Дар ин рӯйхат 15 ташкилоту созмонҳо, аз ҷумла «Ихвон-ул-Муслимин», «Ҷамоати Исломӣ», «Ҳаракати Толибон», «Ҳизби исломии Туркистон», «Лашкари Тайба», «Таблиғи Ҷамоат», «Давлати исломӣ», «Ҷабҳат-ан-Нусра», «Ҳизби наҳзати исломии Тоҷикистон», «Ҳаракати исломии Ӯзбекистон», «Ал-Қоида», «Ҷамоати-Таблиғ», «Тоҷикистони озод», «Ҷамоати Ансоруллоҳ», «Гурӯҳи 24» ва ғайра зикр шудаанд.
Ҳадаф аз нашри феҳрист ҳабси дороиҳои шаҳрвандон ва созмонҳоест, ки дар пулшӯӣ даст доранд ва рӯйхати мазкур бар асоси талаботи Гурӯҳи коркарди тадбирҳои молиявӣ дар мубориза бо пулшӯӣ (ФАТФ) - Financial Action Task Force - ниҳоди байналмилалии мубориза бо шустушӯи пул таҳия шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста