Шерафган Хоҷақулов, корманди бахши амнияти Фурӯдгоҳи байналмилалии шаҳри Душанбе нимаи дувуми имрӯз бо истифода аз силоҳи хидматияш даст ба худкушӣ задааст, хабар медиҳад як манбаъи "Азия-Плюс" дар фурудгоҳ.
Дафтари матбуоти Вазорати корҳои дохилии Тоҷикистон рух додани ин ҳодисаро ба "Азия-Плюс" таъйид кард, вале гуфт онҳо ҷузъиёти ҳодисаро дар ихтиёр надоранд.
"Ба мо дар бораи ин ҳодиса як соат пеш хабар доданд. Он чӣ маълум аст, ин аст, ки Шерафган Хоҷақулови 38-сола, корманди бахши амнияти фурӯдгоҳ даст ба худкушӣ задааст. Ҷузъиётро мо дар ихтиёр надорем. Таҳқиқи ин гуна ҳаводис ба дӯши додситонӣ аст",-гуфтанд аз дафтари матбуоти ВКД.
Дар ҳамин ҳол, Ҷамшед Давлатов, тағои Шерафган Хоҷақулов, ба Радиои Озодӣ гуфтааст, "хоҳарзодааш 9 моҳ боз маош нагирифта буд ва соати 13 ба бародараш паёмак фиристодааст, ки “омада, мурдаи маро аз фурудгоҳ баред”.
Наздикони Шерафган гуфтаанд, ӯ дар манзили иҷора мезист, се фарзанд дошт ва аз пули иҷора низ қарздор буд.
Умед Хоҷақулов, бародари марҳум низ ба Радиои Озодӣ гуфтааст, ки "Шерафган аз ҳақи истифодаи манзили иҷора 14 ҳазор сомонӣ қарздор буд ва соҳибхона талаб кардааст, ки хонаро холӣ кунад".
Умед гуфтааст, ки бародараш баъд аз хизмати ҳарбӣ дар Бахши бехатарии Фурудгоҳ кор мекард, вале бо исрори батакрори ӯ роҳбарияти фурудгоҳ маошашро моҳҳо надодааст.
Масъулини Фурудгоҳи Душанбе то кунун дар мавриди ин ҳодиса изҳори назар накардаанд.
Бародари Шерафган гуфтааст, ҷасадро ба ӯ нишон доданд ва ӯ "осори тирро дар дили бародараш мушоҳида кардааст". Гуфта мешавад ҷасади Шерафган Хоҷақулов дар бемористони Ёрии таъҷилии Душанбе аст ва баъди ташхис ба наздиконаш дода мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Кулли ахбор
Авторизуйтесь, пожалуйста