Бар пайи ҳодисаи тирпаронии шоми 12-уми апрел дар нуқтаи марзии ҷамоати Хистеварзи Тоҷикистон ва деҳаи Борбодуки Қирғизистон, дирӯз, 13-уми апрел вазири корҳои хориҷии Тоҷикистон Сироҷиддин Муҳриддин бо ҳамтои қирғизияш Руслан Қазоқбоев суҳбати телефонӣ анҷом додааст. Дар ин бора телеграмканали Вазорати корҳои хориҷии Тоҷикистон хабар медиҳад.
Дар ин суҳбат, вазири тоҷик амалкарди марзбонони қирғизро маҳкум карда, талаб кардааст, ки таҳқиқоти холисона гузаронида шавад ва гунаҳкорон ба ҷавобгарӣ кашида шаванд.
Вазорати хориҷаи Тоҷикистон мегӯяд, ки ҷонибҳо ҳодисаи 12-уми апрелро, ки дар пай қурбонӣ дошт, баррасӣ кардаанд.
"Дар ҷараёни суҳбат, ҳамчнин ду тараф дар мавриди масоили доғи ҳамкориҳои Тоҷикистону Қирғизистон гуфтугузор карда, масъалаи омодагӣ ба нишасти Шӯрои вазирони корҳои хориҷии ИДМ, ки 13-уми май дар Душанбе дар назар гирифта шуааст ва ҳамчунин вохурии вазирони хориҷии Осиёи Марказиро баррасӣ кардаанд",- омадааст дар ин хабарнома.
Вазирони ду кишвар тавофуқ кардаанд, ки бо ҳам тамосҳои доимӣ хоҳан дошт.
Бояд гуфт, ки бар пайи тирпаронӣ дар ин нуқтаи марзӣ, як сарбози 27-солаи тоҷик, Зоир Саидумаров кушта шуд. Дирӯз бар пайи он мулоқоти ҳайатҳои Тоҷикистон бо ҳузури раисиони вилоятҳои Суғду Бодканд ва фармондеҳони Неруҳои марзбонии ду кишвар ва масъулони дигари низомиву маҳаллӣ баргузор шуд, ки бар пайи он се протокол ба имзо расид. Аммо ҷузъиёти протоколҳо шарҳ дода нашудааст.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста