Ахири ҳафтаи гузашта дар маросими муаррифии оғози Лоиҳа оид ба таҳкими низоми ҳифзи иҷтимоӣ ҷараёни ислоҳоти ҷории низоми ҳифзи иҷтимоӣ ва механизми такмилёфтаи кӯмаки иҷтимоии суроғавӣ баррасӣ шуд. Лоиҳа дар ҳаҷми умумии 3.2 млн. доллари ИМА аз ҷониби Бонки ҷаҳонӣ маблағгузорӣ мешавад.
Тавре зикр гардид, ҳадаф аз амалисозии лоиҳаи мазкур тавассути таҳияи рӯйхати миллии ёрии иҷтимоӣ, баргузор намудани омӯзиш, таъминот бо таҷҳизот ноил гардидан ба такмили имконоти ҳукумати Тоҷикистон дар самти тарҳрезӣ, баргузор кардани мониторинг ва идоракунии ҷараёни расонидани кӯмаки иҷтимоӣ ба қишри камбизоати аҳолӣ аст.
Намояндаи доимии Бонки ҷаҳонӣ дар Тоҷикистон Марша Олив гуфт, бӯҳрони ду сол қабл, ки ба коҳиши интиқоли маблағҳои пулӣ ва даромади аҳолӣ боис гардид, муҳим будани расонидани кӯмаки саривақтии иҷтимоӣ ба аҳолиро нишон дод. «Бо назардошти ин, ташаббуси мазкур ба таҳкими имконоти сорхторҳои ҳукуматӣ дар қаноатманд сохтани эҳтиёҷоти қишри камбизоати аҳолӣ тавассути методҳои бештар пурсамар ва ҳадафманд мусоидат мекунад», - гуфт вай.
Дар навбати худ, вазири меҳнат ва ҳифзи иҷтимоии аҳолии кишвар Маҳмадамин Маҳмадаминов дар робита ба ҷараёни ислоҳот дар бахши ҳифи иҷтимоӣ изҳор кард, ки дар муқоиса бо 10 соли ахир бахши иҷтимоии ҷумҳурӣ ба дастовардҳои назаррас ноил гардид, вале то ҳол корҳои зиёде дар пешанд.
«Айни замон муттаҳидсозии кӯшишҳои созмонҳои мададрасон ва сохторҳои дахлдори давлатӣ ҷиҳати таъмини расонидани кӯмаки иҷтимоӣ намунаи хуби пешравиҳо дар бахши иҷтимоӣ аст, ки дар оянда натиҷаҳои мусбат хоҳанд дод, - мӯътақид аст Маҳмадаминов. – Лоиҳаи мазкур дар ҳамроҳӣ бо бурси Фонди трастии вокуниши фаврии иҷтимоӣ ба маблағи 2 млн. доллари ИМА ба мисоли хуби амалисозии лоиҳаи кӯмаки иҷтимоии суроғавӣ, ки бо дастгирии Иттиҳоди Аврупо дар ноҳияҳои Ёвону Истаравшан амалӣ гардид, асос хоҳад ёфт».
Дар ҳамин ҳол, Мик Овидиу, роҳбари шӯъбаи лоиҳаҳои ҳайати Иттиҳоди Аврупо дар Тоҷикистон гуфт, Комиссияи Аврупо рӯйи як қатор лоиҳаҳо дар бахши ҳифзи иҷтимоӣ ва рушди инсонӣ дар кишвар кор бурда истодааст. Созишномаҳои молиявии чанде қабл баимзорасида бо ҳукумати ҶТ ба маблағи 7,5 млн. Евро барои расонидани кӯмаки техникӣ дар соҳаи хизматгузориҳои тиббӣ ва ҳифзи иҷтимоӣ, 18 млн. Евро барои дастгирии хароҷоти нафақавии буҷет ва ҳамчунин бурсҳои хурд ба ташкилотҳои ғайридавлатӣ дар чаҳорчӯби мониторинги ислоҳоти сиёсати бахши иҷтимоӣ аз ҷумлаи ин лоиҳаҳо мебошанд.
Аз амалисозии ин лоиҳа ҳудуди 15%-и аҳолии Тоҷикистон манфиат хоҳанд бардошт, ки тақрибан 1 млн. нафар аз сокинони ҷумҳуриро ташкил медиҳанд.
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Кулли ахбор
Авторизуйтесь, пожалуйста