Зимни нишасти матбуотӣ дар шаҳри Хоруғ директори генералии ширкати «Помир Энержи» Далер Ҷумъаев изҳор кард, ки ояндаи наздик масъалаи расонидани ёрии пулӣ ба аҳолии Вилояти Мухтори Кӯҳистони Бадахшон барои истифодаи барқ ба яке аз мушкилоти асосии таъмини вилоят бо барқ мубаддал мегардад.
Ба гуфтаи ӯ, ёрии пулии пешина, ки аз ҷониби ҳукумати Швейтсария дар ҳаҷми 5 млн. доллари ИМА пешниҳод гардида буд, ахири соли 2011 ба охир расид.
«Мувофиқи шартҳои Қарордоди Консессионии ба имзорасида миёни ҳукумати Тоҷикистон ва ширкати «Помир Энержи» аз соли 2002 ва ҳамчунин дар асоси Созишнома дар бораи пардохти хароҷоти ҳифзи иҷтимоӣ, ҳукумати ҷумҳурӣ ӯҳдадор аст, ки ба дастрас кардани ёрии пулӣ ба аҳолии ВМКБ мусоидат намояд, - гуфт ӯ. – Ин масъала бо тамоми вазорату идораҳои дахлдор мувофиқа карда шуда, айни замон бо Вазорати молия гуфтушуниди машваратӣ дар ин хусус идома дорад».
Д.Ҷумъаев гуфт, феълан ширкат ду роҳи маблағгузорӣ ба пардохти хароҷот ба ҳифзи иҷтимоиро дорост, ки яке аз он аз ҳисоби фарқи фоизи қарзи Бонки ҷаҳонӣ, ки ба ширкат дар марҳилаи аввал тавассути ҳукумати Тоҷикистон пешниҳод шудааст ва дигаре аз ҳисоби маблағгузории берунӣ.
«Помир-Энержи» ҷиҳати дастрас кардани маблағ дар ҳаҷми 3,7 млн. доллари ИМА бо ҳукумати Швейтсария қарордод дорад, - гуфт номбурда. – Ин маблағ натанҳо ба таъмини ёрии пулии истифодаи барқ барои аҳолии ВМКБ дар солҳои 2012-2014 имкон медиҳад, балки ҷиҳати дастрас кардани 15 ҳазор адад ҳисобкунакҳои барқӣ барои анҷоми насби ҳисобкунакҳои электронии хароҷоти барқ шароит фароҳам меорад».
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста