Бемористони марказии ноҳияи Восеъ, ки дорои 214 кат аст, бо қарзи 30 ҳазор сомонӣ яке аз пешсафон дар пардохт накардани маблағи истифодаи барқ аз ҷониби муассисаҳои буҷетӣ дар минтақаи Кӯлоб аст.
Чуноне як манбаъ аз бемористони мазкур ба ОИ «Азия-Плюс» хабар дод, бо афзоиши қимати барқ аз 1-уми апрели соли равон, мушкилоти пардохти маблағи истифодаи он боз бештар хоҳад шуд. «Ба чунин муассисаи тиббии бузург барои пардохти маблағи истифодаи барқ дар соли 2012 ҳамагӣ 8933 сомонӣ ҷудо шудааст ва ин ҳам дар ҳолест, ки талабот ҳадди аққал 25 ҳазор сомониро ташкил медиҳад», - мегӯяд ӯ.
Ба қавли манбаъ, агарчанде тайи як-ду соли ахир атрофи болоравии нархи истифодаи барқ гуфтугузорҳо сурат гирифта бошанд ҳам, дар нақшаи хароҷоти соли 2012 болоравии қимати барқ аз 1-уми апрел ба эътибор гирифта нашуда, он чун соли гузашта дар ҳаҷми 8933 сомонӣ боқӣ мондааст.
Бино ба иттилои як манбаъ дар Раёсати тандурустии минтақаи Кӯлоби вилояти Хатлон, дар минтақа ҳамасола барои хароҷоти истифодаи барқ на бештар аз 35-40% аз талабот маблағ ҷудо мегардад ва агар мақомоти маҳаллии ҳокимияти давлатӣ ба кумак дар ҳалли ин масъала қодир набошанд, қарзҳои муассисаҳои тиббӣ сол то сол зиёд мешаванд.
Тавре ба ОИ «Азия-Плюс» аз муассисаи шабакаҳои барқи минтақаи Кӯлоб хабар доданд, маблағи қарзҳои муассисаву ташкилотҳои буҷетии минтақа ба 1 млн. сомонӣ наздик мешаванд.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста