Раиси шаҳри Душанбе Маҳмадсаид Убайдуллоев ҳайати меҳмонони бародаршаҳри Душанбе аз Ройтлингени Олмонро таҳти сарварии аъзои Маҷлиси шаҳрии Ройтлинген ҷаноби Юрген Штрауб, ки тайи чанд рӯз аз Тоҷикистон боздид намуданд, бо хоҳиши онҳо ба ҳузур пазируфт.
Бино ба иттилои хадамоти матбуоти раиси пойтахт, зимни мулоқот раиси шаҳр аз ташрифи меҳмонон изҳори қаноатмандӣ карда, афзуд, ки робитаҳои ҳасанаи бародаршаҳрӣ имрӯз имкон медиҳанд, ки дар радифи табодули таҷрибаи ҳамкориҳои ҷойдошта дар соҳоти фарҳанг ва маорифу тандурустӣ бахши сайёҳӣ низ рушд карда бошад.
«Ҷаноби Юрген Штрауб аз пазироӣ ва муҳтавои суҳбати анҷомгирифта изҳори сипосмандӣ намуда, ба Маҳмадсаид Убайдуллоев номаи шодбошии Обербургомистери Ройтлинген хонум Барбара Бошро ба муносибати 22-юмин солгарди Рӯзи Истиқлолияти давлатии Тоҷикистон расонида, аз бардоштҳои неки худ оид ба пешрафтҳои Тоҷикистон, пеш аз ҳама пойтахти он шаҳри Душанбе ибрози ақида намуданд», - иттилоъ медиҳад хадамоти матбуоти мақомоти шаҳрдорӣ.
Зимнан зикр мегардад, ки дар фарҷом Маҳмадсаид Убайдуллоев бо истифода аз ҳузури меҳмонон Обербургомистери Ройтлинген хонум Барбара Бошро ҷиҳати иштирок дар чорабиниҳои марбут ба ҷашни 90- солагии мақоми пойтахтро доро гардидани шаҳри Душанбе даъват кард.
Маврид ба ёдоварист, ки шаҳрҳои Душанбеву Ройтлинген моҳи октябри соли 1991 бародаршаҳр эълон шуда буданд. Шаҳри Ройтлинген дар қаламрави заминҳои федералии Баден-Вюртемберг ҷойгир шуда, маркази маъмурии ноҳиявӣ мебошад. Шумори аҳолии Ройтлинген ҳудуди 112 ҳазор нафарро ташкил медиҳад. Дар Ройтлинген дафтарҳои кории ширкатҳои маъруфе чун «Бош» ва «Бетс» фаъолият мекунанд.
Ҳамкорӣ зарур аст! Дар Душанбе лоиҳаи тақвияти ҳамкории марказҳои матбуотӣ бо расонаҳо рӯнамоӣ шуд
Тими футболи “Куктош” Лигаи олиро тарк мекунад?
Ба қувваозмоии навбатӣ дар UFC Лоиқ Раҷабов чӣ гуна омодагӣ мегирад?
Аҳмад Масъуд: “Агар мардум Толибонро ҳам интихоб кунанд, мо таслими иродаи мардум мешавем”
Бинои нави ҳукумат ва парлумони Тоҷикистон аввали моҳи июл ифтитоҳ мешаванд
Боздошти директори "Гардуна" барои фиреби беш аз 80 нафар бо ваъдаи корёбӣ дар Чехия
Сарвазири Покистон Шаҳбоз Шариф бо сафари расмӣ ба Тоҷикистон меояд
Шиносномаи тиллоӣ: Дар кадом кишварҳо тоҷикон метавонанд барои сармоягузорӣ шаҳрвандӣ гиранд?
Тоҷикистон ният дорад, ки истеҳсоли энергия аз офтоб ва барқро зиёд кунад
“Известия”: Амалҳои террористӣ дар Доғистон як моҳ пеш тарҳрезӣ шуда буданд
Кулли ахбор
Авторизуйтесь, пожалуйста