Ба муносибати таҷлили ҷашни 22-юмин солгарди Истиқлолияти давлатии Тоҷикистон дар шаҳрҳои Маскаву Екатеринбурги Русия чорабиниҳои идона доир гардиданд. Рӯзи 8-уми сентябр чунин чорабинӣ дар шаҳри Уфа низ баргузор мешавад.
Тавре ба ОИ «Азия-Плюс» намояндаи расмии сафоратхонаи Тоҷикистон дар Русия Муҳаммад Эгамзод хабар дод, рӯзи 5-уми сентябр дар Маркази фарҳанги Вазорати корҳои хориҷии Русия дар шаҳри Маскав ба ин муносибат маросими қабули расмӣ барпо шуд.
Зимни суханронӣ дар ин маросим сафири Тоҷикистон дар Русия Абдулмаҷид Достиев аз ҷумла зикр намуд, ки сарфи назар аз душвориҳои зиёд, дар ин давраи начандон тӯлонии таърихӣ нерӯҳои солими кишвар ва раҳбарияти ҷумҳурӣ таҳти сарварии Эмомалӣ Раҳмон ба сулҳу созиш ва ризоияти миллӣ ноил гардида, ислоҳоти бузургмиқёси сиёсиву иқтисодӣ ва иҷтимоиро роҳандозӣ намуданд.
«Дар замони истиқлолият Тоҷикистон бо беш аз 100 кишгвари дунё муносибатҳои дипломатӣ роҳандозӣ намуда, бидуни шубҳа, Русия дар ин қатор мақоми хоссаро соҳиб аст ва Русия доимо дӯсти наздики Тоҷикистон буда, сол то сол беҳтар гардидани муносибатҳоямонро мо шоҳидем», - гуфт сафир.
Директори департаменти сеюми кишварҳои узви ИДМ-и ВКХ Русия Александр Стерник изҳор дошт, ки Тоҷикистон тадриҷан ба самти бунёди давлати мустақилу демократӣ ва сулҳпарвар роҳ пеш гирифта, Русия ҳамеша ба рушд ва сулҳу субот дар Тоҷикистон манфиатдор аст. «Дар мулоқоти ахири сарони кишварҳои Тоҷикистону Русия оид ба дурнамои рушди тамоми маҷмӯи ҳамкориҳои дуҷониба тавофуқ ҳосл шуд», - таъкид дошт номбурда.
Сипас барномаи консертии ҳунармандони Тоҷикистону Русия намоиш дода шуда, ҳозирин аз намоишгоҳи ҳунарҳои мардумии ҷумҳурӣ боздид карданд. Дар қабули расмӣ ба муносибати ҷашни 22-юмин солгарди Истиқлолияти давлатии Тоҷикистон дар Маскав ҳудуди 500 нафар намояндагони ВКХ Русия, корпусҳои дипломатӣ, доираҳои тиҷоратии Русия, арбобони илму ҳунар ва фарҳанг ва фаъолони диаспораҳои тоҷикон ширкат варзиданд.
Мукофотпулиҳои размикорони тоҷик дар Лигаи UFC маълум шуданд
Ҳамкорӣ зарур аст! Дар Душанбе лоиҳаи тақвияти ҳамкории марказҳои матбуотӣ бо расонаҳо рӯнамоӣ шуд
Тими футболи “Куктош” Лигаи олиро тарк мекунад?
Ба қувваозмоии навбатӣ дар UFC Лоиқ Раҷабов чӣ гуна омодагӣ мегирад?
Аҳмад Масъуд: “Агар мардум Толибонро ҳам интихоб кунанд, мо таслими иродаи мардум мешавем”
Бинои нави ҳукумат ва парлумони Тоҷикистон аввали моҳи июл ифтитоҳ мешаванд
Боздошти директори "Гардуна" барои фиреби беш аз 80 нафар бо ваъдаи корёбӣ дар Чехия
Сарвазири Покистон Шаҳбоз Шариф бо сафари расмӣ ба Тоҷикистон меояд
Шиносномаи тиллоӣ: Дар кадом кишварҳо тоҷикон метавонанд барои сармоягузорӣ шаҳрвандӣ гиранд?
Тоҷикистон ният дорад, ки истеҳсоли энергия аз офтоб ва барқро зиёд кунад
Кулли ахбор
Авторизуйтесь, пожалуйста