Санаи 21-уми ноябри соли 2013 бо дастгирии Шуъбаи ташкилоти байналмилалии Институти «Ҷамъияти Кушода» - Бунёди Мадад дар Тоҷикистон (ИҶК-БМ ҶТ) дар шарикӣ бо Вазорати маорифи Ҷумҳурии Тоҷикистон ва Академияи таҳсилоти Тоҷикистон Конфронси дуюми байналмилалӣ бахшида ба масъалаҳои рушди таҳсилоти фарогир (инклюзивӣ) дар Тоҷикистон баргузор мешавад.
Тавре аз ИҶК-БМ дар ҶТ хабар доданд, мақсади асосии конфронс аз омӯхтани масъалаҳои таҳсилоти фарогир, табодули таҷриба ва ҳамкориҳо, баррасӣ намудани принсипҳои сиёсати маориф ҷиҳати пешниҳод намудани имкониятҳои баробар барои ба даст овардани таҳсилоти босифат ва инкишоф додани иқтидор барои ҳамаи кӯдакон дар сатҳи байналмилалӣ иборат аст.
Ба иттилои манбаъ, дар рафти конфронс мушкилот ва имкониятҳои эҳтимолӣ барои рушди таҳсилоти фарогир дар Тоҷикистон ва кишварҳои хориҷа, таъмин намудани дастрасӣ ба таҳсилот, хадамоти иҷтимоӣ ва дастгирии психологӣ-тиббӣ-педагогӣ, бартараф намудани монеаҳову муҳайё сохтани шароити ҷавобгӯ ба ниёзҳои кӯдакони дорои талаботи махсуси таҳсилӣ тавассути такмил додани заминаи қонунгузорӣ, системаи тайёр намудани муаллимон ва мутахассисон, таҳияи бархӯрдҳои нави илмӣ ва базаи таълимию методӣ, баланд бардоштани огоҳӣ дар байни аҳолӣ баҳсу баррасӣ хоҳад шуд.
Гуфта мешавад, барои иштирок дар конфронс 70 нафар аз ҷумлаи намояндагони Дастгоҳи иҷроияи Президенти ҶТ, вазоратҳо, мақомоти худидораи маҳаллӣ, созмонҳои ҷамъиятӣ, машваратҳои психологӣ-тиббӣ-педагогӣ, созмонҳои байналмилалӣ, мактабҳои таҳсилоти олӣ, муассисаҳои таҳсилоти ҳамагонӣ даъват карда мешаванд. Дар кори конфронс мутахассисони байналмилалии шӯъбаҳои педагогӣ, психологӣ, таҳсилоти томактабӣ ва ибтидоии донишкадаи Черногория, Фонди ҷамъиятии «Қадам ба қадам» аз ш. Киев, Институти дахолати барвақтӣ аз ш. Санкт-Петербург иштирок ва маърӯза хоҳанд кард.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста