- Чизи мудҳиштарин дар мурофиаи судии зиёиён нисбати «Азия-Плюс» он аст, ки ин воқеъа дар таърих боқӣ мемонад ва барои наслҳои мо хандаовар хоҳад буд, - изҳор намуд ба ОИ «Азия-Плюс» дар робита ба ин қазия Шоири халқии Тоҷикистон Гулрухсор Сафиева.
Ба гуфтаи ӯ, дар ҷараёни мурофиаи судии мазкур ҳамчунин чизи дигари ҳайратовар он аст, ки умуман барои дорои ҳуқуқи зиёӣ будан масъаларо ба баррасии суд мекашанд.
«Тааҷҷубовар аст, ки чӣ гуна барои дорои ҳуқуқи зиёӣ будан дар суд метавон мубориза бурд? Ин даҳшат аст. Гузашта аз ин, маро нархи зиёӣ – 30 ҳазор сомонӣ ба ҳайрат меорад, ки ин ҳам хандаовар аст. Танҳо дар замони зиндагонии мо ва танҳо дар ҷомеаи мо метавон бо ин гуна вазъ дучор шуд», - мегӯяд шоира.
Дар ҳамин ҳол, ӯ ҳамчунин зикр кард, ки муҳаррири ҳафтаномаи «Азия-Плюс» Олга Тутубалина рӯзноманигори хеле бовиҷдону шоиста ва ҷасур аст, ки силоҳаш қалами бурро мебошад.
Ёдрас мекунем, ки санаи 25-уми феврал суди ноҳияи Фирдавсии пойтахт оид ба парвандаи «зиёиён алайҳи «Азия-Плюс» қарор содир намуда, идораи ҳафтанома ва муҳаррири он Олга Тутубалина натанҳо ба нашри раддия, балки ҳамчунин ба пардохти 30 ҳазор сомонӣ ба се шахси воқеӣ – даъвогарон (Д.Абдиева, А.Раҷабов ва Х.Раҳматов) низ уҳдадор шуданд.
Адвокати газетаи «Азия-Плюс» Иноят Иноятов дар мавриди қарори суд нисбати газета ва муҳаррири он Олга Тутубалина изҳор намуд, ки ҷониби ҳимоя қарори судро ғайриқонуниву беасос шуморида, бар ин назар аст, ки он ба ҳолатҳои воқеъии қазия мувофиқ нест ва судя Ҷобирова парвандаро якҷонибаву рӯякӣ баррасӣ намуда, усули мурофиавии воқеъбинӣ ва беғаразиро риоя накардааст.
Аз "Муҷассамаи ишқ"-у "Дар орзуи падар" то "Дов". 10 филми ҳунарии беҳтарини тоҷик, ки бояд тамошо кард
Аз ҷой барнахостани намояндаҳои Толибон ҳангоми пахши сурудҳои миллии Эрону Покистон баҳсбарангез шуд
Либосу борхалта, куртаҳо ва матоъи миллӣ. Фестивали атласу адрас дар Душанбе
Як мард барои куштори зани ҳомилааш 25 сол равонаи зиндон шуд
“Груз-200” аз Украина. Ҷасади ду тоҷики дигарро ба Ватан оварданд
Баррасии ҳифзи ҳуқуқи муҳоҷирон ва истирдоди ҷинояткорон. Мулоқоти Игор Краснов бо Юсуф Раҳмон
Тоҷикистон истеҳсоли биринҷро зиёд кардааст, вале ҳоло ба содироти он омода нест
“Аудиокитоб” бо Субҳон Ҷалилов. Маснавии маънавӣ. Ҳикояи "Болотарин кайфари гуноҳ"
Дар КҲФ сабабҳои тез-тез сабт шудани заминларзаро дар ВМКБ шарҳ доданд
Театрҳои кишвар бо кадом намоишнома мавсими нави театриро оғоз мекунанд?
Кулли ахбор
Авторизуйтесь, пожалуйста