Дар раҳпаймоии “Полки ҷовидон дар Душанбе санаи 9 май наздики ҳазор нафар тоҷикистониён иштирок карданд.

Онҳо бо суратҳои хешону наздикон, ки дар ҳама ҷабҳаҳои ҷанг баҳри ноил гардидан ба ғалаба бар фашизм саҳм гузоштанд, роҳи аз Театри лӯхтак то Боғи Ғалаба, назди лавҳаи Оташи ҷовидонро пиёда тай намуданд.

Дар Боғи Ғалаба маросими гулгузорӣ назди лавҳаи Оташи ҷовидон доир гардида, бо хомӯшии якдақиқаина хотири қурбониёни ҷанг пос дошта шуд. Раҳпаймоӣ бо иҷрои сурудҳои замони ҷанг анҷом пазируфт.

1/22

Соли гузашта бо вуҷуди иҷозаи расмӣ надоштан ба баргузории раҳпаймоӣ, ба ҳар ҳол он доир гардида, ҳукуматдорони шаҳр ба он монеъ нашуданд. Субҳи рӯзи 9 майи соли 2018 наздики 500 нафар сокинони пойтахт назди дарвозаи Боғи Ғалаба (мавзеи маъруф ба пивзавод) ҷамъ омада, то Боғи Ғалаба раҳпаймоӣ карданд. Ин ҷо онҳо дар пояи Оташи ҷовидон барои гиромӣ доштани хотираи фавтидагон дар Ҷанги Бузурги Ватанӣ гулҳо гузоштанд.

Қобили зикр аст, ки сафи собиқадорони Ҷанги Бузурги Ватанӣ дар Тоҷикистон сол то сол кам мешавад. Имрӯз онҳо ҳамагӣ 244 нафар боқӣ мондаанд.

Дар TelegramFacebookInstagramViberЯндекс.ДзенOK ва Google Новости бо мо бимонед.