Аз 26 то 28 июли соли 2019 дар Боғи марказии шаҳри Хоруғ (ВМКБ, Тоҷикистон) Фестивали 12-уми байналхалқии фарҳанг ва сайёҳии «Боми ҷаҳон» баргузор мегардад.
Фестивали “Боми ҷаҳон” чорабинии фарҳангии ҷолиб буда, аз тарафи ИҶ “Амеша Спента” бо дастгирии мақомоти иҷроияи маҳалии ҳокимияти давлатии ВМКБ ва ҳамкории Дафтари Швейтсария оиди Ҳамкорӣ дар Тоҷикистон барпо карда шудааст.
Ҳадафи лоиҳаи мазкур инъикоси гуногунрангии фарҳангӣ (маҳаллӣ, минтақавӣ ва умуман, дунёӣ) ва таҳкими якдигарфаҳмӣ тавассути санъат баҳри ҳамзистии осоишта ва арзишҳои умумибашарӣ мебошад.
Фестивал ба нигаҳдорӣ ва пешбарии жанрҳои анъанавӣ ва таҷрибавии (эксперименталии) мусиқӣ ва рақсҳои халқҳои Помир, ҷомеаҳои дигари Ҷумҳурии Тоҷикистон ва ҳамчунин, кишварҳои хориҷи дур ва наздик, мусоидат мекунад.
Фестивали мазкур дар дарки плюрализм (гуногунандешӣ) ва таҳаммулпазироӣ байни халқҳои гуногун ва анъанаҳои фарҳангии минтақа саҳми худро мегузорад. Рушди иқтидори сайёҳӣ дар Ҷумҳурии Тоҷикистон ва баланд бардоштани сатҳи зиндагии аҳолии маҳаллӣ аз ҷумлаи вазифаҳои фестивал мебошад.
Тибқи барномаи фестивал, дар он санъаткорони шинохтаи Ӯзбекистон, Кирғизистон ИМА, Афғонистон, Латвия, Ҳиндустон, ва намояндагони шащру вилоятҳои гунонуни Тоҷикистон иштирок хоҳанд кард.
Мо интизорем, дар рӯзҳои фестивал то 15 ҳазор нафар ҳаводорони мусиқӣ ва санъатро – меҳмонони чорабинро аз Тоҷикистон ва дигар кишварҳои дунё бубинем .
Дар чорчӯбаи фестивал, дар Маркази Исмоилии шаҳри Хоруғ дарсҳои устодон (мастер- класс) оиди усулҳои навохтани асбобҳои гуногуни мусиқии кишварҳои иштирокчиёни чорабинӣ доир мегарданд ва дар рафти онҳо мо интизорем, ки дар муҳокима ва шунидани оҳангҳои устодони санъати мусиқӣ донишҷӯён, навозандагон, мунаққидони мусиқӣ, рӯзноманигорони ҳавасманд, ҳаводорони санъати мусиқии шаҳри Хоруғ ва меҳмонони кишварҳои гуногуни дунё фаъолона иштирок хоҳанд кард.
Дар баробари ин, дар Маркази Исмоилӣ намоиши тасвирҳои рассомони маҳаллӣ баргузор мегардад. Дар чорчӯбаи фестивал дар Боғи марказии шаҳри Хоруғ филмҳои ҳуҷҷатӣ, маҳсулоти ҳунармандон намоиш дода мешаванд ва ҳамчунин, фестивал-бозори таомҳои анъанавӣ воқеъ мегардад.
Мо боварӣ дорем, ки фестивали мазкур моро ба натиҷаҳои интизорбудаи бисёртарафаи лоиҳа наздик меорад ва ба нигаҳдории сулҳ, дӯстӣ, дарки аҳамияти гуногунӣ, плюрализм ва таҳаммулпазироӣ байни халқҳои гуногуни минтақа мусоидат мекунад, ки ин ҳамчунин, ба пешбарӣ ва ташаккули сифати маҳсулоти эко-туризму беҳгардонии сатҳи зиндагии аҳолӣ ва ҷалби саёҳон ба кишварамон кӯмак хоҳад расонд.
Бояд қайд кард, ки 12-ум Фестивали «Боми Ҷаҳон» бо кумаки молиявии Дафтари Швейтсария оид ба Ҳамкорӣ дар Ҷумҳурии Тоҷикистон (маблағгузор ва шарики асосии фестивал), ҳамчунин Сафорати ИМА дар Ҷумҳурии Тоҷикистон, Ташаббуси Мусиқии Оғо Хон, Хазинаи Оғо Хон, ширкати Tсell, Акселерейт Просперити ва дастгирии иттилоотию техникии Донишгоҳи Осиёи Марказӣ ва Маркази фарҳангии «Бохтар» баргузор шуда истодааст.
Гурӯҳи мутахассисон ва ихтиёриёни маҳаллӣ дилу мағзи тадорукот ва амалигардонии фестивали мазкур мебошанд, ки ба туфайли хоҳиши бепоёни баргузоркунии фестивал, ба мо дар ҷашн ва инъикоси айнияти фарҳангӣ ва гуногунии анъанаҳои халқҳои Осиёи Марказӣ ва Ҷанубӣ ва дигар халқҳои ҷаҳон дар Боми Ҷаҳон то имруз кӯмак расонида истодаанд.
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Кулли ахбор
Авторизуйтесь, пожалуйста