Маҷлиси навбатии ҳисоботӣ-интихоботии Ассосиатсияи ҷумҳуриявии журналистон “Медиа-Алянси Тоҷикитсон имрӯз, 14 сентябр баргузор шуд.

Тавре хабаргузории “Авеста” иттилоъ медиҳад, дар он менеҷери маъруфи расонаии тоҷик ва коршинос Абдумалик Қодиров дабири кулли алянс интихоб шуд.

Дар ин вазифа ӯ Муним Оламов, мудири кулли газетаи «ИмрузNews»-ро иваз кард.

Номзадии Абдумалик Қодиров якдилона ҷонибдорӣ шуд. Қаблан ӯ ба ҳайси роҳбари дафтари кории«Internews Network» дар Тоҷикистон кор мекард.

“Медиа-Алянси Тоҷикистон” 31 июли соли 2005 таъсис дода шудааст. Айни замон он як қатор васоити ахбори омма, аз қабили ТВ ва радиои «Регар» (Турсунзода), ШТР «Ватан», АИ «Авеста.Tj», газетаи «Вечёрка» (сомонаи vecherka.tj), «Фараж» (faraj.tj), «Самак», «Ману ту», «Варзиш-Спорт» (sports.tj), ТҶ «Даст ба даст» (dastbadast.tj), сомонаи TajikMama.tj ва дигар расонаҳоро муттаҳид месозад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.