Зарина Неъматова, табиби физиотерапевт, мудири шӯъбаи асабшиносии беморхонаи ҷумҳуриявии физиотерапияи шаҳри Хуҷанд рӯзи 10 октябр дар синни 44-солагӣ аз бемории илтиҳоби шуш аз олам даргузашт. Дар ин бора дӯстони Зарина ба “Asia-Plus” иттилоъ доданд.
Умедахон ва Салма дӯстони хуби Зарина дар суҳбат ба “Asia-Plus” гуфтанд, ки онҳо беҳтарин дӯст, ҳамдард ва ошнояшонро аз даст додаанд, ки то ҳол набудани ӯро қабул надоранд.
“Беҳтарин инсони заминӣ буданд, ки аз даст додем. Хеле меҳрубон ва барои ҳама ғамхор буд. То ҳол бовар намеояд, ки Зарина дигар бо мо нест. Зарина дар зиндагӣ сахтиҳои зиёдеро пушти сар намуд, ки ногуфтанист. Ҳоло фарзанди хурдакакаш чӣ кор мекунад? Охир ҳамагӣ 7 сол дорад ва ба синфи як меравад. Худи Зарина низ падару модар надошт. Дар оила онҳо ду бародар ва ду хоҳар ҳастанд”, - бо андӯҳ илова кард дӯсти Зарина Умедахон.
Ҳамсуҳбатамон ҳамчунин илова кард, ки дар куҷо сироят ёфтани ӯ аз беморӣ то ҳол барояшон маълум нест, чун Зарина як ҳафта бемор будасту халос.
“Як ҳафта бемор буд ва 3 ё 4 рӯз дар хона табобат гирифт. Аммо нашуд, нафастангӣ азобаш дод ва ба беморхонаи сироятии Хуҷанд бистарӣ намудем. Баъди се рӯз вафот кард. Аз сабаби бемории диққи нафас доштанаш натавонист бо бемории илтиҳоби шуш мубориза барад”, - гуфт Умедахон.
Салма дар шабакаи иҷтимоии Facebooк аз марги нобаҳангоми дӯсташ навиштааст, ки “Ай Худои ман боз як фарзонаро гирифтӣ?! Чаро?! Ман бо ту ҷанг надорам, аммо дилам реш -реш аст! Ту медонӣ, ки фарзандаш ҳоло ҳозир кӯчак аст?! Ту медонӣ, ки табиби хубе буд барои беморон?! Ҳамаашро медонӣ!!! Раҳмону Раҳим ҳастӣ.... Ҳозиру нозир ҳасти....пас аз ту ИЛТИҶО дорам бас аст.....ҳамаи беморонро шифо деҳ, ин гулғунчае, ки ҷавон буду умедҳои зиёде дошт, ҷояшро ҷаннат гардон. Ба фарзанди кӯчакаш, ба аҳли байташ сабр деҳ! Табиб физиотерапевт Негматова Заррина ҷоят ҷаннат бошад! Алвидоъ!”.
Неъматова Зарина 24-уми январи соли 1976 дар шаҳри Хуҷанд таваллуд шудааст. Аз ӯ як фарзанд, духтарчаи 7-сола боқӣ мондааст.
Ҳайати кормандони гурӯҳи расонаҳои «Азия-Плюс» ба наздикону пайвандони марҳум ҳамдардии амиқ изҳор дошта, ба онҳо аз даргоҳи Худованд сабри ҷамил металабанд!
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ҳасрати зан ё шуҳрат? Ҳарзасароӣ дар шоубизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста