4-уми январи соли 2021 сомонаи «Asia Times» хабареро таҳти сарлавҳаи «Дар Тоҷикистон қатли оммавии 200 сагу гурба анҷом дода шуд – сари онҳоро буриданд» («В Таджикистане произошло массовое убийство 200 собак и кошек – им перерезали горло») нашр кард (бойгонӣ).
Дар хабар гуфта мешавад, ки гӯиё дар Тоҷикистон бетаваҷҷуҳӣ ва бераҳмӣ нисбат ба ҳаёти ҳайвонот маъмул гашта, то ҳатто ин масъала дар сатҳи қонунгузорӣ бардошта намешавад ва ҳамеша дар ҳошияи ислоҳот боқӣ мемонад.
Ин хабарро чанде аз корбарон дар шабакаи иҷтимоии Facebook бознашр кардаанд (бойгонӣ), ки баҳсу баррасиҳои гуногунро ба вуҷуд овард.
Ҳукмнома: Дурӯғ
Аслан, хабари мазкур ба Тоҷикистон ҳеч рабте надорад, чун хабаргузории «Asia Times» ин маводро аз дигар расонаҳои хабарӣ гирифта, ба ҷои «Якутск» номи «Тоҷикистон»-ро истифода бурдааст.
Чӣ гуна санҷида шуд?
Зимни ҷустуҷӯ маълум гардид, ки сомонаи NEWSRU.com ҳанӯз дар таърихи 9-уми марти соли 2020 бо ҳамин унвон хабареро ба нашр расонид (бойгонӣ), ки гуфта мешавад, ҳимояткунандагони ҳайвонот дар минтақаи Якутски Федератсияи Русия 153 сагу 48 гурбаи сарбуридаро, ки 7-уми марти соли 2020 кушта шудааст, пайдо кардаанд.
Инчунин, хабаргузориҳои Лента.Ру (бойгонӣ) ва Новая газета (бойгонӣ) хабари мазкурро 12-уми марти соли 2020 ба нашр расонидаанд.
Дар бораи ин ҳодиса ҳатто шаҳрдори Якутск Сардана Авксентева дар саҳифаи «ВКонтакте»-и худ вокуниш нишон додааст (бойгонӣ).
Ҳарчанд сарлавҳаи хабарро сомонаи «Asia Times» аз сарчашмаҳои болозикр истифода кардааст, вале матни хабарро аз як қисмати маводи сомонаи «Азия-Плюс» (бойгонӣ) гирифтааст, ки дар матни аслӣ дар бораи куштори ин миқдор ҳайвонот аслан ҳарфе вуҷуд надорад.
Хулоса
Дар наиҷаи далелсанҷӣ муайян гардид, ки куштори 200 сар сагу гурбаҳо аслан моҳи марти соли 2020 дар Якутск рух додааст ва онҳоро гӯиё бо гумони дар алоқа будан бо ҳайвоноти ҳорӣ (девона) куштаанд. Вале сомонаи «Asia Times», ки 4-уми январи соли 2021 бо нашри ин хабар макони рухдоди онро ба Тоҷикистон рабт додааст, «Дурӯғ» мебошад.
Мавод дар доираи Маъракаи рушди маърифати расонаӣ дар Тоҷикистон – “Се нуқта. Бидон, чиро мебинӣ!” нашр шудааст. Ба саҳифаи “Се нуқта. Бидон, чиро мебинӣ!” дар шабакаҳои иҷтимоии Facebook ва Одноклассники пайваст шавед ва маърифати расонаии худро инкишоф диҳед!
Дигар маводҳои лоиҳаро ин ҷо хонед: Бидон, чиро мебинӣ!
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста