Шӯрои уламои Маркази исломии Тоҷикистон мегӯяд, ки ҳанӯз ин ниҳод оғози моҳи шарифи рамазонро эълон накардааст ва тақвимҳое, ки нашр шудаанд ва дар кӯчаву бозорҳои шаҳру ноҳияҳо фурӯхта мешавад, асос надоранд.
Саидмукаррам Абдуқодирзода раиси Шӯрои уламои Тоҷикистон ба “Азия Плюс” гуфт, тақвими моҳи шарифи рамазон ҳафтаи оянда зимни ҷаласаи Шӯрои уламо дар ҳамоҳангӣ бо Пажуҳишгоҳи астрофизикаи Академияи миллии илмҳои ҶТ расман нашр мешавад. Ӯ гуфт дар ҳамин ҷаласа онҳо оғози моҳи рамазонро эълон хоҳанд кард.
Абдуқодирзода ҳамчунин гуфт, ки феълан он тақвимҳое, ки дар кӯчаву бозорҳо фӯрухта мешаванд дуруст нестанд, ва мо ба мардум тавсия медиҳем, ки онҳоро нахаранд. "Зеро ҳар касе ин корро кардааст танҳо ба мақсади тиҷорати худ кардааст ва рӯзи дақиқи рамазон ҳафтаи оянда зимни ҷаласаи Шӯро элон карда мешавад".
Афшини Муқим, котиби матбуотии Кумитаи корҳои дини Тоҷикистон ба "Азия-Плюс" гуфт, ки он тақвимҳое, ки ҳоло фурӯхта қобили қабул нестанд, чун ҳоло қарори Шурои уламо дар мавриди рӯзи дақиқи оғози рамазон содир нашудааст. "Тақвими расмӣ баъди қарори Шӯро нашр мешавад, ки масоили закот ва фитри рӯзаро ҳам дақиқ мекунад. Дар тақвимҳои ҳозир ин мушаххасот нестанд".
Дар назар аст рӯзи 6 апрели ҳафтаи оянда ҷаласаи Шӯрои уламо баргузор гардад, мегӯяд Афшини Муқим.
Дақиқ нашудани оғози моҳи рамазон дар ҳолест, ки чанде пеш Сайидмукаррам Абдукодирзода ба "Азия-Плюс" гуфта буд, эҳтимол аст имсол моҳи шарифи рамазон дар Тоҷикистон метавонад аз 13 апрел оғоз шавад.
Он вақ раиси Шӯрои уламо гуфта буд: «Маъмулан, рӯзи 29-уми моҳи Шаъбон (11 апрел) аст, ки моҳи нав пайдо мешавад. Ин ҳодисаро астрофизикҳо дар қаламрави Тоҷикистон мушоҳида мекунад ва пас мо санаи дақиқи онро муайян мекунем. Шояд моҳи муқаддас рӯзҳои 13 ё 14 апрел оғоз шавад. Таърихи фаро расидани моҳи Рамазон дар маҷлиси умумии аъзои Шӯрои уламо эълон карда мешавад".
Дар ҳамин ҳол сарфи назар аз расман эълон нашудани оғози моҳи рамазон, аллакай дар кӯчаву бозорҳо тақвмиҳои нашршудаи моҳи рамазон барои соли 2021 фурӯхта мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Кулли ахбор
Авторизуйтесь, пожалуйста