Табибони Имороти Муттаҳидаи Араб дар беморхонаи «Истиқлол»-и Душанбе кӯдакони дорои нуқсони дилро ройгон ҷарроҳӣ мекунанд. Ҷарроҳӣ аз рӯзи 12-уми июли имсол оғоз гардида то 19-уми июл идома хоҳад кард. Дар ин бора ба «Азия-Плюс» аз маркази матуботии беморхонаи мазкур иттилоъ доданд.
Бино ба иттилои манбаъ, бояд дар баробари табибони араб табибони Ҳиндустон низ кӯдакони гирифтори бемории қалбро ҷарроҳӣ мекарданд, вале мутаассифона бинобар вазъияти нигаронкунандаи беҳдоштии ин давалт онҳо натвонистанд ба Тоҷикистон биоянд. Аз ин хотир мегӯяд манбаъ, «ҳоло табибони араб танҳо найчаи қалб (стен)-ро тариқи лазерӣ мегузоранд ва навъҳои дигари ҷарроҳӣ сурат нахоҳад гирифт».
Манбаъ ҳамчунин илова кард, ки 6 табиби иморотӣ ҳоло дар беморхонаи мазкур қарор дошта, ба кӯдакони бемори то 10-12 – сола найчаи қалб мегузоранд.
Ин кӯдакон қаблан бояд дар Вазорати тандурустӣ ба қайд гирифта шаванд ва рӯйхати онҳо ба табибон супорида мешавад.
«Дар Вазорати тандурустӣ кӯдакон номнавис гардида, аз ташхиси табибон мегузаранд. Онҳоро ташхиси компутарии дил мегузаронанд, маълум мегардад, ки ин кӯдакон бемор ҳастанд ва оё ба ҷарроҳӣ эҳтиёҷ доранд ё на».
Манбаи мо аз беморхонаи “Истиқлол” гуфт, ки дар маҷмӯъ 100 кӯдак бояд ҷарроҳӣ мешуд, вале ҳоло шояд ба 30 ё 40 нафар найчаи дил гузоранду халос. «Дар маҷмӯъ дар рӯйихат 100 нафар буданд, вале бинобар ин ки бештари онҳо бемории сӯрохии дил доранд, ҷарроҳӣ намешаванд. Зеро амалиёти ҷарроҳии сӯрохии қалбро бояд табибони ҳиндӣ мегузарониданд ».
Аз «Истиқлол» ҳамзамон илова карданд, ки барои афроди беморе, ки ному насабашон дар рӯйхат нест, иштирок дар ин ҷарроҳӣ дер шуд. Ва ҳар нафаре, ки мехоҳад, ки фарзанд ё афроди наздикашон, ки аз бемории қалб азият мекашанд пешакӣ бояд дар Вазорати тандурустӣ номнавис шаванд ва бо омадани табибон онҳо метавонанд бо ҷарроҳӣ фаро гирифта шаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста