Ахиран расонаҳои русӣ хабар доданд, ки як тайёраи низомии Русия рӯзи 25-уми август шаҳрвандони Тоҷикистонро аз Афғонистон берун кашидааст ва ба фурудгоҳи низомии Айнӣ, дар канори шаҳри Душанбе овардааст. Вале гуфта нашудааст, ки дар ин тайёра чанд шаҳрванди Тоҷикистон аз Кобул берун кашида шудааст.
Вазорати корҳои хориҷии Тоҷикистон мегӯяд, ки ба масъалаи берун кашидани шаҳрвандони Тоҷикистон аз Афғонистон сафорати кишвар дар Кобул машғул аст.
Аз Сафорати Тоҷикистон дар Кобул ба “Азия-Плюс” гуфтанд, ки тамоми маълумоти лозим дар мавриди шумораи шаҳрвандони ниёзманд ва дигар иттилоъро ба вазорат расонидаанд ва аз он ҷо бигиред.
Бино ба маълумоти Раёсати иттилоот ва матбуоти Вазорати корҳои хориҷии Тоҷикистон то кунун 30 шаҳрванди Тоҷикистон барои берун шудан аз Кобул муроҷиат кардааст, ки 22 нафари онҳо рӯзи 25-уми август дар ҳамкорӣ бо Сафорати Русия дар Кобул ба Тоҷикистон оварда шуданд.
Дар ин раёсат мегӯянд, ки шаҳрвандоне, ки ҳоло дар Кобул боқӣ мондаанд ва шаҳрвандони дигаре, ки муроҷиат мекунанд, баъди дуруст кардани санадҳои зарурӣ барои сафар ,дафъаи дигар ба ватан оварда мешаванд.
Аз Сафорати Тоҷикистон дар Кобул дар тамоси телефонии рӯзи 26-уми август ба “Азия-Плюс” гуфтанд, ки онҳо кор мекунанд ва дари сафорат барои ёрӣ ба ниёзмандон боз аст.
Вазорати корҳоии хориҷии Тоҷикистон низ мегӯяд, ки сафорати мо дар Кобул фаъол аст ва шаҳрвандон метавонанд барои ёрӣ муроҷиат кунанд.
Бархе аз корафтодагон дар шабакаҳои иҷтимоӣ навиштаанд, ки хиёбонҳои наздик ба сафорат аз сӯйи ҷангҷӯёни “Толибон” таъмини амният мешавад ва онҳо касеро барои наздик шудан ба сафорат намегузоранд.
Вазорати корҳои хориҷӣ шумораи иловагии телефонро барои тамоси шаҳрвандон дар Кобул бо саффорат пешниҳод мекунад ва мегӯяд, ки шаҳрвандон бояд бо ин шумора тамос бигиранд - +937723838.
Шумораҳо ва василаҳои дигари тамоси сафорати Тоҷикистон дар Кобул, ки сайти Вазорати корҳои хориҷӣ барои корафтодагон пешниҳод кардааст:
Сафири Фавқулода ва Мухтор - Шарифӣ Саъдӣ:
Суроға: ш. Кобул, кӯчаи Вазир Акбархон Сараки 15, хонаи 121
Тел: +93 784098355; Е-mail: [email protected]; Web: mfa.tj/kobul
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста