Имрӯз, 1-уми апрел дар Душанбе телевизиони давлатии "Сайёҳӣ ва ҳунарҳои мардумӣ", ки қарори таъсисёбиаш соли гузашта аз ҷониби ҳукумати кишвар ба имзо раисда буд, ба фаъолият оғоз намуд.
Қарори таъсиси ин телевизион якҷой бо телевизиони “Илм ва табиат”, ки аллакай фаъол аст, аз сӯйи расиҷумҳур Эмомалӣ Раҳмон ба имзо расида буд.
Моҳи ноябри соли гузашта Амирзода Дилафрӯз, ки қабалан директори телевизиони кӯдаконаи “Баҳористон” буд, мудири Муассисаи давлатии телевизиони "Сайёҳӣ ва ҳунарҳои мардумӣ" таъйин гардид.
Телевизиони навтаъсис соҳавӣ буда, аз бурду бохти соҳаи сайёҳӣ ва рушди ҳунарҳои мардумӣ барномаҳо нашр мекунанд. Қарори таъсисёбии он аз сӯйи ҳукумати кишвар 30 июни соли 2021 ба имзо расид ва шабакаи нав бо назардошти ҳайати хизматрасони техникӣ 143 воҳиди корӣ дорад.
Шабака дар бинои собиқи Пажӯҳишгоҳи давлатии илмӣ-тадқиқотии саноати Вазорати саноат ва технологияҳои нави Тоҷикистон ҷойгир карда шудааст.
Таъсиси боз як телевизиони нав дар кишвар, дар ҳолест, ки чанд соли охир дар бораи мазмуну муҳтавои барномаҳои телевизионии кишвар дар доираҳои касбӣ ва шабакаҳои иҷтимоӣ баҳсҳо зиёд аст. Хоса, корбарони шабакаҳои иҷтимоӣ аз тамошо накардани барномаҳои шабакаҳои телевизионии Тоҷикистон ва муҳтавои пасти барномаҳои он мегӯянд.
Дар ҳамин ҳол бархеи дигар таъсиси онро афзоиши шумораи корӣ барои журналистон ва аз васеъ шудани ҷаҳонбинӣ ва дониши мардум мегӯянд. Ин дар ҳолест, ки барои аксарияти аҳолии Тоҷикистон телевизион манбаи асосии иттилоот боқӣ мемонад.
Ба иттилои Кумитаи телевизион ва радиои Тоҷикистон айни замон дар кишвар 13 шабакаи телевизионии давлатӣ (8 шабакаи умумиҷумҳурӣ ва 5-то маҳаллӣ) ва 33 шабакаи хусусӣ фаъолият мекунад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Вазорати адлия Шаҳбози Аброрро раиси Ҳизби демократи Тоҷикистон эътироф кардааст
Аз Алӣ Лориҷонӣ то Саид Ҷалилӣ. Сабти номзадҳо ба мақоми раёсҷумҳури Эрон оғоз гардид
Тоҷикистону Чин маблағгузории лоиҳаҳои афзалиятнокро дар Тоҷикистон баррасӣ карданд
“Роҳ ба сӯи Тиён-Шон”: дар Тоҷикистон рушди роҳҳои мошингард баррасӣ шуд
ВКД сабаби ҳодисаи марбут ба зани 23-соларо, ки аз ошёнаи 5-ум дар Кӯлоб афтод, шарҳ дод
Чаро Тоҷикистон дар безараргардонии фурӯзонакҳои каммасраф муваффақ нашуд?
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Кулли ахбор
Авторизуйтесь, пожалуйста