Бино ба маълумоти пешакӣ, даромади умумии соҳаи алоқаи дар зарфи 6 моҳи соли равон 1 млрд 660 млн 509 ҳазор сомониро ташкил додааст, ки 12,2% зиёдтар нисбат ба ҳамин давраи соли 2021 мебошад.
Зимни нишасти матбуотии имрӯза зикр шуд, ки шумори умумии симкортҳои корбарони алоқаи мобилӣ дар ин давра 7 млн 943 ҳазору 309 ададро ташкил додааст, ки 5 млн 460 ҳазору 504 ададашон фаъоланд.
То имрӯз 4,2 млн нафар аз Интернет, аз ҷумла мобилӣ истифода мекунанд. Дар ҳамин ҳол, зикр мешавад, ки суръати интернет дар Тоҷикистон зиёд шудааст.
“Давоми 6 моҳ мо суръати интернети вурудиро дар Тоҷикистон аз 70 гиг/с то 100 гиг/с расонидем”, - хабар дод зимни нишасти матбуотӣ муовини сардори Хадамоти алоқаи Тоҷикистон Илҳом Атоев.
Дар ҳамин ҳол, ин нишондиҳандаҳоро ӯ дар нишасти матбуотии аввали соли равон ба сифати дастовардҳои соли 2021 номбар карда буд.
Ба суоли рӯшанкунандаи хабарнигори «Азия-Плюс» Атоев посух дод, ки «он замон онҳо гузаронидани каналҳоро ба кишвар зикр карда, дар зарфи 6 моҳ инфрасохтор нав карда шуд ва кор дар ин самт идома дорад».
Муовини роҳбари Хадамоти алоқаи ҷумҳурӣ ҳамчунин дар бораи бақайдгирии дубораи симкортҳо изҳори назар кард.
“То 30 июни соли 2022 зиёда аз 2,8 млн нафар муштариён симкортҳои худро бо ID-шиносномаҳо дубора ба қайд нагузоштанд, ки 1,4 млн нафарашон корбарони фаъол мебошанд. Инҳо асосан шахсони пиронсол мебошанд, ки намехоҳанд ID-шиносномаи намунаи соли 2014 гиранд. Мо дар навбати худ аз шаҳрвандон даъват мекунем, ки саривақт аз сабти дубора гузаранд, то ки амали симкорташон қатъ нашавад”, - иброз дошт Атоев.
Ӯ ҳамчунин хабар дод, ки сабти дубораи симкортҳо барои бақайдгирии IMEI-коди телфеонҳо низ зарур аст, ки дар ҷумҳурӣ шурӯъ шуд.
“Бақайдгирии IMEI-кодҳо аз ҷониби ширкати ватании Net Solutions анҷом дода мешавад. Дар низоми операторони мобилӣ аллакай таҷҳизоти зарурӣ насб карда шуда, бақайдгирӣ шурӯъ шудааст. Ҳоло IMEI-и муштариёне, ки аллакай аз сабти дубораи симкортҳо бо ID-шиноснома гузаштаанд, ба таври худкор сабтином мешавад”, - гуфт муовини сардори Хадамоти алоқаи Тоҷикистон.
Ёдрас мекунем, ки ҳама дастгоҳҳои электронӣ, ки бо ёрии SIM-кортҳо ва Интернет кор мекунанд, бояд аз қайди IMEI гузаранд.
Соли 2020 ҳукумат “Дар бораи бақайдгирии воситаҳои алоқаи барқӣ” қарор қабул кард, ки дар доираи он IMEI-кодҳои ҳамаи дастгоҳҳои мобилӣ ба қайд гирифта мешаванд.
Коршиносони соҳа мегӯянд, сабти IMEI дар навбати аввал, барои кам кардани ҳолатҳои дуздии телефонҳо зарур аст. Ин, ба ақидаи онҳо, шумори чунин ҷиноятҳоро то 70% кам хоҳад кард. Зарурати дуюми сабти сабти IMEI-кодҳо дар он ифода меёбад, то ки бозори қочоқи телефонҳо аз байн бардошта шавад.
Хадамоти алоқа ваъда дода буд, ки сабти IMEI-кодҳо ва хизматрасонии минбаъдаи он комилан бепул сурат мегирад.
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Кулли ахбор
Авторизуйтесь, пожалуйста