Лоиҳаи “Аудикитоб бо Субҳон Ҷалилов”, ки чанде пештар аз ҷониби “Азия-Плюс” роҳандозӣ гардида, ҳадафи он сабти китобҳои савтӣ ва пешниҳоди он ба хонандаву шунавандааш тавассути радио, сомона ва саҳифаҳои худ дар шабакаҳои иҷтимоӣ мебошад, расман оғоз шуд.

Китобҳои савтӣ ҳамарӯза соати 5:00 субҳ ва 21:00 шаб тариқи радиои “Азия-Плюс” пахш мегардад ва ровии он Субҳон Ҷалилов, рӯзноманигор ва директори барномавии радиои “Азия-Плюс” аст.

Дар оғози лоиҳа ҳикоёт аз асари ҷаҳоншумули Мавлоно Ҷалолиддини Балхӣ “Маснавии маънавӣ” пешниҳоди шунавандагон гардида, минбаъд китобҳои савтии дигар низ манзур мешавад.

 

Ҳикояи “Баққол ва тӯтӣ”

 

Ҳамчунин хоҳишмандон метавонанд, сабти китобҳои савтиро аз саҳифаи “Телеграм”-и бахши тоҷикии хабаргузорӣ ва “Телеграм”-и радиои “Азия-Плюс” дастрас карда, гӯш кунанд.

Дар Telegram, Facebook ва Instagram бо мо бимонед.