Шиддати муҳоҷират ба Русия кам шудааст ва роҳҳои нави муҳоҷирати меҳнатӣ ба сӯи Аврупову Амрико ва Шарқи наздик боз мешаванд. Бо ин вуҷуд, мушкилоти муҳоҷирон ҳам кам нест ва рӯз то рӯз саддҳои нав пайдо шуда истодааст. Бо назардошти ин, шохаҳои муҳоҷират афзоиш ёфтаву кор дар ин самт зиёд мешавад, вале дар Тоҷикистон ба таври ҷудогона Вазорати муҳоҷират таъсис дода намешавад.
Ин масъала дирӯз, 31-уми июл, дар нишасти матбуотии Маркази тадқиқоти стратегии назди Президенти Тоҷикистон зиёд баррасӣ шуд.
Хайриддин Усмонзода, директори ин ниҳод гуфт, ки муҳоҷирати меҳнатӣ танҳо хоси давлати Тоҷикистон нест ва дар ҳама мамолики дунё муҳоҷират вуҷуд дорад.
Ба гуфтаи ӯ, самти муҳоҷират ба сӯи Русия кам шудаву ба сӯи Аврупову Амрико ва Шарқи наздик бештар шуда истодааст.
“Русия ягона кишвари қабулкунандаи муҳоҷирони меҳнатии тоҷик нест ва ҳоло шаҳрвандони мо дар бозорҳои меҳнати Аврупои Шарқӣ ва Аврупои Ғарбӣ, инчунин ИМА кору фаъолият мекунанд. Дар минбаъд ба Кореяи Ҷанубӣ ва баъзе аз кишварҳои Шарқи наздик низ муҳоҷирон равон хоҳанд шуд”, - мегӯяд Хайриддин Усмонзода.
Бояд гуфт, ки муҳоҷират яке аз соҳаҳои фоидаовар дар иқтисоди Тоҷикистон аст ва ҳамасола садҳо ҳазор сомониро маҳз муҳоҷирон ба кишвар ворид мекунанд.
![](https://asiaplustj.info/sites/default/files/articles/339163/%D0%9C%D0%A2%D0%A1.jpg)
Бо ин вуҷуд, ба назар мерсад, ки шохаҳои муҳоҷират рӯз аз рӯз паҳнтар ва васеътар мешавад ва муҳоҷирони тоҷик бо роҳҳои наву мушкилоти ҷадид мувоҷеҳ ҳастанд.
Дар ин робита, рӯзноманигори “Азия-Плюс” ба директори Маркази тадқиқоти стратегии назди Президенти Тоҷикистон бори дигар суол дод, ки ниҳоди зери роҳбарияш пешниҳод мекунад, ки бахши муҳоҷиратро аз Вазорати меҳнат, муҳоҷират ва шуғли аҳолӣ ҷудо кунанд ва дар кишвар Вазорати муҳоҷират таъсис дода шавад.
“Ин масъала пеш аз ҳама ба салоҳияти ҳукумати Ҷумҳурии Тоҷикистон аст. Ҳукумати кишвар дар кадом мавриде, ки зарур донист, ин ё он муассисаву мақомотро бо ҳамдигар муттаҳид ё аз ҳамдигар ҷудо менамояд. Барои ҳамин мо дар ин маврид ягон чӣ гуфта наметавонем”, - гуфт Хайриддин Усмонзода.
Ёдрас мешавем, ки чанд сол инҷониб шаҳрвандони Тоҷикистон роҳи муҳоҷират ба сӯи Британияи Кабир, Италия, Корея ва чанд дишвари дигарро боз кардаанд ва асосан ба корҳои мавсимӣ дар саҳроҳои кушод ва гармхонаҳо машғул шуда, ҳосили буттамевагиҳо (қулфинай ва ғайра) ва дигар сабзавоту меваҳоро ҷамъоварӣ мекунанд.
Муҳоҷироне, ки ба ин кишварҳо рафтаву баргаштаанд, аз маоши хуб, шароити корӣ ва муносибати мақомоти мизбон изҳори қаноатмандӣ карда, мегӯянд, ки “аз Русия беҳтар аст”.
Ҷашни Истиқлоли давлатии Тоҷикистон муборак!
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Кулли ахбор
Авторизуйтесь, пожалуйста