Эрон ба девони додгустарии байналмилалӣ аз болои Амрико барои мусодираи ду миллиард доллари Бонки марказии ин кишвар расман шикоят кард.
Бино ба иттилои хабаргузории TojNews , Ҳасани Руҳонӣ, президенти Эрон ин хабарро тайид кард ва гуфтааст: “Дирӯз ба таври расмӣ шикояти худро дар девони додгустарии байналмилалӣ ба сабт расонидем ва ин шикоятро то расидан ба натиҷа пайгирӣ хоҳем кард”.
Вай ҳамчунин гуфтааст, ки Теҳрон мехоҳад иқдоми зиддиэронии Вашингтон маҳкум карда шавад ва хисорати расида аз он ҷуброн гардад. Ду моҳ пеш додгоҳи олии ИМА қарор кард, ки додгоҳҳои ин кишвар метавонанд аз ҳисоби маблағҳои масдудшудаи Бонки марказии Эрон ба шикояти хонаводаҳои қурбониёни терроризм расидагӣ кунанд. Яъне, ғаромати онро аз ҳисоби пули Эрон ҷуброн намоянд.
Гуфта мешавад, ки як гурӯҳ аз пайвандони 261 силоҳбадасти амрикоӣ, ки соли 1983 дар инфиҷори мақарашон дар шаҳри Бейрути Лубнон кушта шуда буданд, шикоят карданд ва хостори ҷуброни зарар шуданд.
Ҳасани Руҳонӣ шоми гузашта бо ҳузур дар ифтори хонаводаҳои шуҳадо дар Теҳрон гуфт, ки мо намедонем ва хабар надорем, ки соли 1983 силоҳдорои амрикоӣ дар Лубнон чӣ мекарданд ва чаро маҳз бояд Эрон зарари расида ба он ҳалокшудагонро пардозад.
Ҳасани Руҳонӣ ҳамчунин гуфтааст, ки ин ду миллиард доллари Эрон бар асари як беэҳтиётӣ ба дасти Амрико уфтодааст. Имрӯз мақомоти ҳукумати вақти Маҳмуди Аҳмадинажодро сабабгори ин хисорат медонад, чун ин ду миллиард маҳз дар замони ҳокимияти Аҳмадинажод гум шудааст.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста