Ҷангҷӯёни Толибон* дар вилояти Бадахшони Афғонистон се низомии собиқи артишро, ки ба масҷид барои адои намози таровеҳ мерафтанд, куштаанд. Дар ин бора рӯзномаи “8 субҳ” хабар медиҳад.
Ба гуфтаи манбаъ, исми низомиёни кушташуда Қорӣ Сомӣ, Ҳоҷӣ Идӣ ва Имодуддин будааст.
Ба иттилои рӯзнома, Ҳоҷӣ Идӣ дар гузашта аз нерӯҳои шӯришии мардумии Бадахшон ва Қорӣ Сомию Имодуддин аз артиши ҳукумати пешин будаанд.
Толибон дар Бадахшон то ҳол дар ин бора чизе нагуфтаанд.
Ин бори аввал нест, ки Толибон даст ба қатлу боздошт ва ҷустуҷӯи низомиёни ҳукумати пешини Афғонистон мезанад. Дар гузашта низ борҳо расонаҳо аз кушат шудани сарбозон ва низомиёни ҳукумати пешини ин кишвар аз сӯи Толибон, хабар дода буданд.
Мисоли рӯшан ҳамин чанд моҳ пеш ду фармондеҳи шӯриши мардумии ҳукумати пешин аз сӯи Толибон дар вулусволии Ҷарими Бадахшон ва як сарбоз дар шаҳри Файзобод, маркази ин вилоят кушта шуданд.
Ин дар ҳолест, ки чанде пештар роҳбари Толибон Ҳайбатуллоҳ Охунзода таъкид намуд, сарбозони артиши пешин таъқиб нашаванд.
Ахиран Носир Аҳмад Фоиқ, раиси намояндагии доимии Афғонистон дар СММ гуфта буд, ки куштори сарбозони собиқ аз сӯи Толибон идома дорад.
Бояд гуфт, ки Толибон пас аз ғасби қудрат дар Афғонистон ҳамвора низомиён ва кормандони ҳукумати қаблии ин кишваррро мавриди таъқибу бозпурсӣ ва озору шиканҷа қарор медиҳанд. Ин гурӯҳ пас аз гирифтани зимоми қудрат бо судури фармоне ҳамаи афроди силоҳдорро халъи силоҳ кард, аз ҷумла муҳофизони Ҳомид Карзай ва Абдуллоҳ Абдуллоҳро низ.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста