Дар бозии аввали даври чаҳорякниҳоии Ҷоми Конфедератсияи футболи Осиё-2015 дастаи «Истиқлол»-и Душанбе дар майдони худ тими «Паҳанг»-и Малайзияро қабул карда, бо ҳисоби бузурги 4 бар 0 пирӯз шуд.

Дар қисми аввали бозӣ тӯбҳоро ба дарвозаи тими меҳмонон легионери эронии даста Маҳдӣ Чоҳҷӯӣ (дақиқаи 35-ум) ва капитани даста Дилшод Восиев (дақиқаи 38-ум) ба ҳадаф расониданд.

Дар қисми дуюм низ бозӣ бо бартарии дастаи «Истиқлол» сурат гирифта, дар дақиқаи 50-ум Хуршед Маҳмудов ва дар дақиқаи 77-ум боз капитани даста Дилшод Восиев дӯ туби дигарро вориди дарвозаи меҳмонон карданд.

Бозии ҷавобии «Истиқлол» бо «Паҳанг» рӯзи 16 сентябр дар шаҳри Куантани Малайзия доир мегардад. Ғолиби ин ҷуфт дар бозии нимфиналӣ бо ғолиби ҷуфти «Кувайт»-и Кувайт – «Китчӣ»-и Ҳонконг рӯзҳои 30 сентябр ва 21 октябр рақобат мекунад.

Натиҷаи бозиҳои дигари даври аввали марҳилаи чаҳорякфиналии Ҷоми AFC -2015

«Ал-Қодсия» (Кувайт) – «Ал-Ҷайш» (Сурия) – 1-1

«Ҷоҳор Дарул Такзим» (Малайзия) – «Саут Чайна» (Ҳонконг) – 3-0

КВ «Кувайт» (Кувайт) – «Китчӣ» (Ҳонконг) - 6-0