Амруллоҳ Солеҳ, муовини аввали раисҷумҳури Афғонистон бо нашри як изҳороти тунд дар саҳфаи расмияш дар Фейсбук гуфт, ки таҳти ҳеҷ шароите ва дар баробари ҳеч имтиёзе, султаталабиро болои мардуми Афғонистон намепазирем.
Ин изҳорот, ки чанд лаҳза пеш нашр шуд, пас аз хабарҳои эҳтимоли оташбаси шашмоҳа ва истеъфои Муҳаммад Ашраф Ғанӣ, раисҷумҳури Афғонистон, мебошад.
Дар ин изҳорот, оқои Солеҳ бо хитоб ба мардуми Афғонистон мегӯяд, ки "бароятон итминон медиҳам, ки таҳти ҳеч шароите, зери ҳеч унвоне, дар баробари ҳеч имтиёзе, ба хотири ҳеч маслиҳате, султаталабиро болои мардуми Афғонистон намепазирем ва ба ҳеч муомилае, ки толиб шароити онро дикта ва таҳмил кунад, тан дар намедиҳам. Ба ҳеч муомилае, ки исмаш сулҳ ва моҳияташ таслим бошад, тан дар намедиҳам. То ҷойе мақдур бошад, аз ҳаққи тамоми мардуми Афғонистон дифоъ мекунам".
Амруллоҳ Солеҳ дар ин изҳороташ мегӯяд, ки "аз ҷойгоҳи муовини нахусти раёсати ҷумҳурӣ тамоми сайъу талошро анҷом медиҳам, ки вазъият тағйир намояд ва яқин дорам, ки толиб шикаст мехӯрад. Торих собит хоҳад сохт", - гуфтааст Солеҳ.
Солеҳ гуфтааст, ки неруҳои амниятиву дифоӣ ва хезишҳои мардумӣ дар ҳар ҷойе, ки раҳбарии дуруст шудаанд, то кунун муқовимати сахт кардаанд ва бо қомати рост меҷанганд.
Муовини нахусти раисҷумҳури Афғонистон қасам мехӯрад, ки "ба Худованд қасам ёд мекунам - ба руҳи пуршукуҳи раҳбарам қасам ёд мекунам, ки меросашро лаккадор намесозам. Ӯ гуфта буд, агар ба андозаи кулоҳаш замин боқӣ монда бошад, муқовимат мекунад. Ниёз нест барномаҳоямро аланӣ баён намоям. Ман дар реша ва тафаккур сарбози Аҳмадшоҳ Масъуд ва сарбози ҳаросат аз ормони ҳамешатобони муқовимат астам. Муқовимат, яъне ҳаросат аз иззати зан, мард, хонавода, ҳарими хусусӣ, каромати инсонӣ ва ҳаққи таъини заъомат барои ҳама миллати Афғонистон".
Амруллоҳ Солеҳ гуфтааст, ки "пирӯз мешавем, аммо бе қурбонӣ на".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Ба таври таҷрибавӣ санҷида шуд”. Барномаи “Ислоҳнигорӣ” кай фаъол мешавад?
Сабти филми “Ҷомӣ ва Навоӣ” баъди Наврӯз оғоз мегардад
Парвандаи роҳбари ширкати "Арса", ки ба фиреби хоҳишмандони кор дар Британия гумонзад аст, ба додгоҳ ирсол шудааст
“Интернети босуръат ва арзон”. Сокинон аз раиси нави Хадамоти алоқа чӣ интизорӣ доранд?
Маҳсулоти бесифат, воридоти равғани нахл, мораторий. Дар нишасти хабарии “Тоҷикстандарт” боз чӣ гуфтанд?
Юсуф Раҳмон вазифаи нав гирифт
Раиси Бобоҷон Ғафуров шикояти волидайн дар бораи харидории пойафзор аз як корхонаро шарҳ дод
Рустами Эмомалӣ супориш дод, ки дар ВМКБ Академияи футбол бунёд шавад
“Арзон будан маънои хатарнок буданро надорад”. “Тоҷикстандарт” сифати гӯшти аз Белорус воридшавандаро шарҳ дод
“Аудиокитоб” бо Субҳон Ҷалилов. Маснавии маънавӣ. Ҳикояи “Тадбири аёз ва ақли се амир”
Кулли ахбор
Авторизуйтесь, пожалуйста