Душанбе. 7 апрел. «Азия-Плюс» - | Сатҳи об дар обанбори бузургтарин НОБ-и Тоҷикистон - Норак имрӯз 856 метру 88 сантиметрро ташкил медиҳад, ки ин аз нишондиҳандаи камтарин поин аст, иттило медиҳад котиби матбуотии ширкати холдингии «Барқи тоҷик» Нозирҷон Ёдгорӣ.
Ба қавли ӯ рузи чоршанбе, 6 апрел, маҷрои оби рӯди Вахш 250 метри мукааб дар як сонияро ташкил дод дар ҳоле, ки ин нишондод соли сипаригашта дар моҳи апрел баробар ба 440 метри мукааб буд.
Бар тибқи маълумоти Ёдгорӣ кам шудани об дар дарёҳо соли равон дар тамоми манотиқи Осиёи Марказӣ мушоҳида мешавад.
«Мувофиқи иттилое, ки аз энергетикони қирғиз ба мо расид маҷрои оби рӯди Нарин, ки дар он як қатор неругоҳҳои гидроэнергетикӣ сохта шудаанд рӯзи чоршанбе 282 метри мукаабро ташкил дод. Ин нишондиҳанда дар ҳамин вақти соли сипаригашта ба 384 метри мукааб баробар буд», -афзуд Ёдгорӣ.
Дар ин асно намояндаи «Барқи тоҷик» иброз дошт, ки дар вазъи ба миён омада дар хусуси бекор кардани лимити барқ сухан гуфтан номумкин аст. Ҳамзамон ӯ қайд кард, ки маҳдудият шадидтар намегардад.
Ба гуфтаи Ёдгорӣ мувофиқи пешгӯии ҳавошиносон шурӯъ аз 10 апрел дар болооби рӯди Вахш поёншавии ҳарорати ҳаво дар назар аст, ки чунин вазъ то 16 апрел давом хоҳад ёфт.
«Ахиран дар шаҳри Душанбе ҳарорати максималии ҳаво 22 дараҷа гарм буд ва дар Ғарм ҳарорат рӯзона 7 дараҷа гармиро ташкил медод. Шаб дар ин минтақа ҳануз яхбандӣ мушоҳида мешавад. Дар ҳолати обшавии босуръати барф дар болооби рӯди Вахш оби он дар муддати чор-панҷ рӯз ба Норак мерасад », - изҳор дошт манбаъ.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста