Бонки ҷаҳонӣ ва Корпоратсияи байнулмилалии молиявӣ санаи 23-юми октябр дар Душанбе гузориши «Роҳандозии тиҷорат-2013»-ро муаррифӣ мекунанд.
Тавре ба ОИ «Азия-Плюс» аз намояндагии доимии Бонки ҷаҳонӣ дар Душанбе хабар доданд, зимни конфронси видеоӣ баррасии муҳити тиҷорат дар минтақаи Осиёи Марказӣ, мақоми кишварҳо дар гузориши нав ва ислоҳоти аз ҳама бештар дар кишварҳо суратгирифта дар назар аст.
Интизор меравад, ки дар чорабинии мазкур директори минтақавии БҶ оид ба минтақаи Осиёи Марказӣ Сароҷ Кумар Ҷа, сармутахассис оид ба рушди бахшҳои хусусӣ ва молиявӣ Каролин Гегинат ва ҳамоҳангсози минтақавии рушди бахши хусусӣ ва молиявӣ Эмануэл Салинас маърӯза хоҳанд кард.
«Дар баробари роҳандозии ислоҳот аз ҷониби давлатҳо баҳри бештар мусоид сохтани қонунгузорӣ барои корхонаҳои ватанӣ, гузориши ҳамасолаи «Роҳандозии тиҷорат» ислоҳоти суратгирифта барои соддакунии оғоз ва роҳандозии тиҷорат, таҳкими шаффофият ва ҳуқуқи моликият ва беҳбуди самаранокии танзими баҳсҳои тиҷоратӣ ва ҳолатҳои варшикастагиро мавриди омӯзиш қарор медиҳад», - зикр кард манбаъ.
Рейтинги муштараки осонии роҳандозии тиҷорат ба 10 нишондиҳанда асос ёфта, 185 кишварро фаро мегирад. Дар рейтинги «Роҳандозии тиҷорат-2012» Тоҷикистон нисбат ба нишондиҳандаи соли 2011 5 зина боло рафта, миёни 183 давлати ҷаҳон зинаи 147-умро касб намуда буд.
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Кулли ахбор
Авторизуйтесь, пожалуйста