Фардо, 19-уми октябр, дар Душанбе ҷаласаи даҳуми Шӯрои роҳбарони Палатаҳои савдо ва саноати кишварҳои узви Иттиҳоди Давлатҳои Мустақил доир мегардад.
Тавре аз хадамоти матбуоти ПСС ҶТ иттилоъ доданд, дар кори ҷаласа роҳбарони Палатаи савдо ва саноати Русия, Украина, Белорус, Молдова, Қазоқистон, Қирғизистон, Тоҷикистон, Туркманистон ва ҳамчунин намояндагони Кумитаи иҷроияи ИДМ иштирок мекунанд.
Интизорӣ меравад, ки нахуствазири Тоҷикистон Оқил Оқилов бо сухани табрикотӣ иштирокчиёни ҷаласаро хайра мақдам хоҳад гуфт.
Дар ҷаласа аз фаъолияти даҳсолаи Шӯрои роҳбарони Палатаҳои савдо ва саноати кишварҳои узви ИДМ натиҷагирӣ шуда, дурнамои рушд ва ҳамчунин тақвияти равандҳои ҳамгиройӣ дар паҳнои ИДМ баррасӣ мешаванд.
Ғайр аз ин, иштирокчиёни ҷаласа атрофи баргузории чорабиниҳои муштарак, аз қабили намоишгоҳу ярмаркаҳо дар соли 2013 таҳти сарпарастии Шӯро табодули назар хоҳанд кард. Дар чаҳорчӯби ҷаласа намоишгоҳи маҳсулоти корхонаҳои пешсафи Тоҷикистон созмон дода мешавад.
Шӯрои роҳбарони Палатаҳои савдо ва саноати кишварҳои узви ИДМ ахири моҳи декабри соли 2002 дар Маскав таъсис дода шуд. Дастгирии рушди соҳибкорӣ дар қаламрави ИДМ, табодули маълумоту таҷриба дар бахши иқтисод ва тақвияти ҳамкориҳо дар соҳаи сармоягузорӣ аз ҷумлаи ҳадафҳои аслии фаъолияти Шӯро маҳсуб меёбанд.
Дар Осиёи Марказӣ нисбат ба соли гузашта захираи об бештар шудааст
Размикори 5-уми тоҷик дар UFC: ӯ кист ва кай қарордод ба имзо мерасонад?
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Кулли ахбор
Авторизуйтесь, пожалуйста