Раиси ширкати “Барқи тоҷик” Мирзо Исмоилзода рӯзи 12-уми феврал дар нишасти матбуотӣ изҳор дошт, ки солҳои пешин қарзи ширкат аз андоз то ба 300 млн сомонӣ мерасид.
“Аммо ширкат бо дастгирии ҳукумат ин қарзҳоро кам карда тавонист”, - қайд кард ӯ.
Ӯ таъкид дошт, ки соли гузашта “Барқи тоҷик” ба маблағи 453,4 млн сомонӣ андоз пардохтааст, ки ин аз ҳаҷми андозҳои ҷорӣ қариб 60 млн сомонӣ бештар мебошад.
“Дар натиҷа ширкат пардохти ҳамаи андозҳои ҷорӣ ва бақияҳо (маблағи пурра пардохтнашудаи андоз – шарҳи идора)-ро таъмин намуда, ба ин васила қарзҳо аз андозро бартараф кард”, - иброз дошт ӯ.
Ба гуфтаи раиси ширкат, ин ҷо сари кадом як ҳисоббаробарие сухан намеравад, балки ҳамаи пардохт тариқи маблағи нақдии ширкат сурат гирифтааст.
Исмоилзода зикр кард, ки пардохти чунин маблағи зиёд ба туфайли ҷамъоварии хубтари пули истифодаи барқ аз истеъмолгарон муяссар шуд: нисбат ба соли 2018 дар соли 2019 қариб 1,5 млрд сомонӣ зиёдтар маблағ ҷамъоварӣ шудааст.
Қобили зикр аст, ки сарфи назар аз ин, ширкати “Барқи тоҷик” бузургтарин корхонаи қарздори кишвар боқӣ мемонад.
Ҳаҷми қарзи “Барқи тоҷик” ба ҳолати 1 январи соли равон 26 млрд сомониро ташкил медиҳад, ки 21 млрд сомонии он ба лоиҳаҳои сармоягузории амалишуда дар соҳаи электроэнергетика (25 лоиҳа аллакай амалӣ гардида, боз 13-то дар марҳилаи татбиқ қарор доранд) рост меояд.
Боқимонда 5 млрд сомонӣ қарзҳо аз ду нерӯгоҳи барқии обии “Сангтӯда”, инчунин “Ориёнбонк” барои харидани мазут ва ғайра мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста