Ҳукумати Тоҷикистон ният дорад, ки то соли 2023 ҳаҷми даромади Буҷети давлатиро то 32,2 млрд сомонӣ зиёд кунад.
Ин нишондиҳанда нисбат ба нақшаи тасҳеҳшудаи даромади буҷет барои соли равон ба андозаи 36,4% ё худ 8,6 млрд сомонӣ зиёдтар аст.
Дар лоиҳаи қонун “Дар бораи Буҷети давлатӣ барои соли 2021” ва Нишондиҳанаҳои дурнамои Буҷети давлатии давраи солҳои 2022-2023 гуфта мешавад, ҳаҷми умумии қисмати даромади Буҷети давлатии соли 2021 ба маблағи 27,6 млрд сомонӣ, соли 2022 - зиёда аз 30,9 млрд сомонӣ ва соли 2023 - беш аз 32,2 млрд сомонӣ ба нақша гирифта шудааст.
Бар асари таъсири пандемияи коронавируси нав ба иқтисоди кишвар, буҷети соли ҷорӣ бозбинӣ ва ба ҷойи 26,1 млрд сомонии қаблан пешбинишуда дар ҳаҷми 23,6 млрд сомонӣ муқаррар шуд.
Дар ҳамин ҳол, ҳукумат афзоиши қисмати хароҷоти буҷетро дар соли 2023 ба андозаи 26,1% ё худ 6,8 млрд сомонӣ дар муқоиса бо нақшаи тасҳеҳшудаи хароҷот барои соли ҷорӣ (26 млрд сомонӣ) пешбинӣ кардааст.
Ба ин тариқ, хароҷоти буҷет дар соли 2021 ба маблағи 28,1 млрд сомонӣ, соли 2022 - 31,5 млрд сомонӣ ва соли 2023 - 32,9 млрд сомонӣ дар назар аст.
Қобили зикр аст, ки даромади Буҷети давлатӣ давоми моҳҳои январ-сентябри соли ҷорӣ ҳудуди 16,5 млрд сомониро ташкил дод, ки аз нақгшаи тасҳеҳшуда 565 млн сомонӣ камтар аст.
Камбуди воридшавии маблағ ба буҷетро дар ин давра Вазорати молия дар навбати аввал, коҳиши даромад аз пардохти андозҳои асосӣ - андоз аз даромад, андоз аз фоида ва андоз аз арзиши иловашуда маънидод мекунад. Ҳиссаи андозҳо дар буҷети ҷумҳурӣ то ба 70% мерасад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Кулли ахбор
Авторизуйтесь, пожалуйста