Аъзои Ассотсиатсияи “Воридкунандагони маҳсулоти нафтӣ ва гази моеъ”-и Тоҷикистон аз пешниҳоди имтиёзҳо аз пардохти андоз ва боҷҳои гумрукӣ ба Агентии захираҳои моддии давлатии назди ҳукумати ҷумҳурӣ зимни воридоти маҳсулоти нафтӣ изҳори нигаронӣ кардаанд.
Дар мактуби аъзои Ассосиатсия ба унвони президенти кишвар Эмомалӣ Раҳмон гуфта мешавад, тағйироти дахлдор ба қонун “Дар бораи Буҷети давлатӣ” мухолифи меъёрҳои қонун “Дар бораи ҳимояи рақобат” мебошад.
Зери ин мактубе, ки нусхааш дар ихтиёри идораи “Азия-Плюс” қарор дорад, директори Ассотсиатсия Ёраҳмад Бегаҳмадов, инчунин роҳбарони 18 ширкати воридкунандаи маҳсулоти нафтӣ ва гази моеъ имзо гузоштаанд.
Дар муроҷиатнома изҳор мешавад, ки ҳиссаи воридоти аъзои Асссотсиатсия дар ҳаҷми умумии воридоти маводи сӯзишворӣ 80%-ро ташкил дода, ҳамасола онҳо ба маблағи зиёда аз 1 млрд сомонӣ андоз пардохт мекунанд. Дар мактуб зикр мегардад, ки ҳиссаи Агентии захираҳои моддии назди ҳукумат тайи ду соли ахир 3%-ро ташкил медиҳад.
Таъкид мешавад, ки бо вуҷуди болоравии нархи чаканаи маводи сӯзишворӣ дар ҷумҳурӣ, фоидаи софи ширкатҳои таҳвилгар бар асари беқурбшавии назарраси сомонӣ дар сатҳи соли пешин - 5% боқӣ мемонад.
Зикр мегардад, ки дар робита ба беқурбшавии пули миллӣ арзиши, масалан бензини навъи АИ-92 дар ин давра аз 7,45 сомонӣ то 8,50 сомонӣ ва сӯзишвории дизелӣ - аз 8,10 то ба 8,70 сомонӣ боло рафт.
Муаллифони мактуб таъкид мекунанд, ки имтиёзҳои ба корхонаи воридкунандаи давлатӣ додашуда хароҷоти онро оид ба воридоти маводи сӯзишворӣ ба таври назаррас кам мекунад, аз ин рӯ, дархост мешавад, ки ба онҳо низ чунин сабукиҳо дода шавад.
Дар хулосаи мактуб зикр мегардад, ки дар сурати баръакс, аъзои Ассосиатсия бо сабаби фарқият дар нархгузорӣ рақобатпазир буда наметавонанд ва ба тарки бозор маҷбур мешаванд.
Ёдрас мекунем, ки тағйирот ба Буҷети давлатии соли 2021 дар бораи аз пардохти боҷи гумрукӣ, аксиз ва ААИ озод кардани Агентии захираҳои моддии давлатии назди ҳукумати Тоҷикистон 31 марти ҳамин сол аз ҷониби палатаи поёнии парлумон қабул шуд.
Дар Вазорати молия бар ин назаранд, ки имтиёзҳои ба Агентӣ додашуда, ба беҳбуди таъмини бозори дохилӣ бо маҳсулоти дар боло зикршуда, инчунин ҷиҳати ба эътидол омадани вазъи нархҳо ба он мусоидат менамояд.
Қобили зикр аст, ки афзоиши нархи сӯзишворӣ дар нуқтаҳои фурӯши ҷумҳурӣ ҳанӯз аз аввали сол ба мушоҳида мерасад, лекин болоравии нархи сӯзишворӣ барои автомашинаҳо давоми даҳаи аввали моҳи март назаррас шуд.
Аз 1 январ то имрӯз нархи бензини тамғаи АИ-92 дар Душанбе қариб зиёда аз 30% (аз 6,5 то 8,5 сомонӣ барои 1 литр), АИ-95 – 27% (аз 6,90 то 8,80 сомонӣ, сӯзишвории дизелӣ (солярка) - 13% (аз 6,80 – 7,70 сомонӣ) ва гази моеъ - 9% (аз 4,25 то 4,60 сомонӣ) боло рафт.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста