Дар Тоҷикистон ҳудуди 420 ҳазор тонна ҳосили пиёз ҷамъоварӣ шуд, ки беш аз 50% аз ҳосили ғуншударо дар соли 2021 ташкил медиҳад. Соли 2021 дар Тоҷикистон зиёда аз 700 ҳазор тонна пиёз ҷамъоварӣ шуда буд.
Нимаи аввали соли 2022 болоравии назарраси нархи пиёз дар саросари ҷаҳон ба мушоҳида расид. Моҳҳои март-июни соли 2022 нархҳо ба нишондиҳандаи баландтарин расида, дар бозори дохилӣ арзиши 1 кило пиёз ба 8 сомонӣ расид.
Болоравии нархи пиёзро ба коҳиши заминҳои кишти он, афзоиши содирот ва ба охир расидани захира дар анборҳо марбут медонанд.
Дар миқёси ҷаҳон Тоҷикистон ба хориҷи кишвар начандон зиёд пиёз мефурӯшад, лекин аз содир намудани пиёзи барвақтӣ истифода мебарад. Айни замон содирот аз кишвар маҳдуд шуд, чунки бо сабаби зиёдшавии ҳаҷми истеҳсол дар кишварҳои содиркунанда, нархи воридот ҳам поин рафт.
Бино ба маълумоти коршиносони соҳа, дар моҳҳои июл-октябр аз поинравии мавсимии нархи пиёз интизорӣ меравад.
Айни замон нархи 1 кило пиёз дар Тоҷикистон ба ҳисоби миёна 4-5 сомониро ташкил медиҳад ва минбаъд боз арзон шуда метавонад, лекин нархҳо бештар ба ҳаҷми ҳосили ҷамъоварда дар соли 2022 вобаста хоҳад буд.
Тибқи маълумоти Агентии содироти Тоҷикистон, соли ҷорӣ ҳудуди 66 ҳазор тонна пиёз ба хориҷи кишвар содир шудааст, ки 18 ҳазор тонна камтар нисбат ба ҳамин давраи соли гузашта мебошад. Дар таносуби фоизӣ камшавӣ 22,5%-ро ташкил дода, он замон ин нишондиҳанда ба 83,9 ҳазор тонна баробар буд.
Дар Вазорати кишоварзӣ зикр карданд, ки дар муқоиса бо соли гузашта даромад аз фурӯши пиёз 36% зиёд шуд. Агар соли 2021 даромад 4,7 млн долларро ташкил дода бошад, пас соли 2022 - аллакай ба 6,6 млн доллар расидааст.
Мувофиқи маълумоти портали atlasbig.com, аз рӯи истеҳсоли пиёз барои 1 нафар дар ҷаҳон Тоҷикистон (зиёда аз 65 кг) пас аз Нидерланд зинаи дуюмро ишғол мекунад. Камбудии ягона арзиши аслии баланди пиёз аст, ки бар асари қиматии нуриҳои минералӣ ва сӯзившорӣ ба вуҷуд меояд.
Тоҷикистон пиёзро асосан ба Русия ва Қазоқистон мефурӯшад. Дар кишварҳои Иттиҳоди Аврупо (1 кг - беш аз 2 доллар) ва Осиёи Ҷанубу Шарқӣ (1 кг - беш аз 3 доллар дар Филиппин, Индонезия ва Малайзия) нархҳо нисбатан баландтаранд.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста