Шурӯъ аз 22-юми сентябр дар Тоҷикистон маҳдудият ё "лимит"-и барқ расман ҷорӣ шуд. Дар ин бора ширкати "Барқи тоҷик" бо нашри як муроҷиатнома хабар дода, мушкилро ба камбуди об ва афзоиши талаботи аҳолӣ ба барқ унвон кард.
Ин ниҳод аз аҳолӣ хост, ки "ба зимистон омодагии ҳамаҷониба бинанд ва дар тирамоҳу зимистон нерӯи барқро сарфакорона истифода кунанд."
"Таҷрибаи солҳои қаблӣ нишон медиҳад, ки барои таъмини сифатноки барқ дар мавсими сармо ҷорӣ кардани маҳдудият дар давраи нисбатан гарм будани ҳаво барои аҳолӣ мушкилоти зиёд намеорад", - омадааст дар муроҷиатномаи “Барқи тоҷик”.
Сабаби ин тасмимро ширкат “сол аз сол зиёд шудани талаботи аҳолӣ ба барқ” унвон карда, гуфт, ки имкон дорад ба дарёи Вахш об камтар ояд.
Вале “Барқи тоҷик” дақиқ нагуфт, ки дар як шабонарӯз сокинон бо чанд соат нерӯи барқ таъмин карда мешаванд.
Дар ҳамин ҳол, сокинони музофоти кишвар гуфтанд, ки шурӯъ аз рӯзи 20-уми сентябр “лимит”-и барқ ҷорӣ шудааст ва дар як шабонарӯз 8-10 соат барқ доранд.
Онҳо гуфтанд, барқ субҳ соати 5:00 рӯшан шуда, соати 8:00 хомӯш мешавад ва бегоҳ аз соати 17:00 то соати 22:00 фурӯзон хоҳад буд.
"Барқи тоҷик" аз аҳолӣ хоҳиш кардааст, ки "ба давраи зимистон омодагии ҳамаҷониба бинанд ва дар мавсими тирамоҳу зимистон неруи барқро сарфакорона истифода намоянд".
Бояд гуфт, ки ҳамасола аз моҳи октябр то апрел дар кишвар маҳдудияти нерӯи барқ ҷорӣ мешуд. Солҳои пеши "Барқи тоҷик" вуҷуди "лимит"-и барқро дар рӯзҳои аввал эътироф намекард. Танҳо пас аз расидани зимистон, шикояти сокинон ё интиқоди раиси ҷумҳур эътироф мекард, ки дар кишвар “лимит” ҷорӣ шудааст
Таъмини аҳолӣ бо барқ дар тирамоҳу зимистону баҳор яке аз мушкилҳои асосии Тоҷикистон аст. Қаблан, масъулини Вазорати энергетикаи кишвар ва "Барқи тоҷик" гуфта буданд, ки то неругоҳи "Роғун" пурра ба кор надарояд, "лимит"-и барқ дар кишвар боқӣ мемонад.
Сарфи назар аз камбуди барқ дар дохили кишвар, Тоҷикистон ҳамасола ба Афғонистон ва Ӯзбекистон барқ мефурӯшад. Ба иттилои Оҷонсии омори кишвар, дар 8 моҳи соли равон ба хориҷа зиёда аз 1 млрд киловатт соат барқ содир кардааст, ки арзишаш ба беш аз 82,3 миллион доллар мерасад.
“Вазир имзо гузошт, бояд намоиш дода шавад!” Дар Душанбе мушкили театри тоҷикро ба саҳна гузоштанд
Асланшоҳ Раҳматуллоев: Бояд ҷавонони боистеъдодро нигоҳ дорем ва аз ҳунарашон истифода барем
“Толибон” истифодаи телефонро ба кормандони давлатӣ манъ карданд
Ҳалокати беш аз 50 нафар дар таркиши кони ангишт дар Эрон
Гиромидошти рӯзи Рӯдакӣ дар Тоҷикистон бо ширкати андаки ҳаводорони шеър
Аз 3 то 8 ҳазор сомонӣ. 40 зан дар Хуҷанд соҳиби гранти раиси шаҳр шуданд
“Инфрасохтори маҳдуд ва сатҳи пасти саводнокии рақамӣ”. Мавқеи поёнтари Тоҷикистон дар рейтинги рушди ҳукумати электронӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Муши мағрур"
Ба SIM-кортатон худатон масъулед. Чӣ мешавад, агар он ба дасти каси дигар афтад?
Ҷоми ҷаҳони футзал барои Тоҷикистон поён ёфт
Кулли ахбор
Авторизуйтесь, пожалуйста