Ҳайбатуллоҳ Охундзода, раҳбари олии “Толибон” дастур додааст, ки истифода аз телефонҳои ҳушманд ба кормандони идороти давлатӣ мамнӯъ ва аз он ҷилавгирӣ шавад. Вазорати маорифи Афғонистон дар мактубе ба шӯъбаву раёсатҳояш дастур додааст, ки ин фармонро иҷро кунанд. Дар ин бора пойгоҳи таҳлилӣ-хабарии IRAF иттилоъ медиҳад.
Дар мактуби раёсати маорифи вилояти Фароҳ, ки 18-уми сентябр расонаӣ шуд, омадааст, ки аз рӯйи дастури роҳбари Толибон истифодаи телефони ҳушмандро дар тамоми бахшҳо, аз ҷумла дар шуъбаҳои маориф ва мактабҳо манъ мекунад.
Дар мактуб гуфта шудааст, ки агар омӯзгорон ё кормандони соҳаи маориф аз телефонҳои ҳушманд истифода кунанд, масъулияти минбаъда ба дӯши роҳбари шуъба ё муассиса аст.
Гуфта мешавад, ки омили аз ҷониби роҳбари “Толибон” роҳандозӣ гардидани ин дастур ифшои аксу наворҳо аз идороти давлатӣ, ки баъдан баҳси зиёдро дар шабкаҳои иҷтимоӣ ба вуҷуд меорад.
Ин мамнуият дар ҳолест, ки “Толибон” қаблан истифодаи телефонҳои ҳушмандро дар муассисаҳои низомии худ манъ карда буданд. Бар асоси гузоришҳо, пас аз ҷорӣ шудани ин дастур “Толибон” садҳо телефони сарбозони худро, ки пинҳонӣ истифода мекарданд, ҷамъ оварданд.
Дар хусуси он ки оё истифодаи телефони ҳушманд дар идороти худи “Толибон” низ мамнуъ аст, иттилоъ мавҷуд нест.
Бо ба сари қудрат омадани “Толибон” як қатор маҳдудиятҳо дар ин кишвар ҷорӣ гардид, ки аксари онҳо ба ҳуқуқи духтарону занон рабт дорад. Аз ҷумла, онҳо таҳсили духтарон дар мактабу донишгоҳҳо, садои занҳо дар расонащо, кӯчаву бозор, инчунин, сайругашти онҳо дар кӯчаҳо ва ғайраро манъ карданд.
Ёдовар мешавем, ки гурӯҳи Толибон 15-уми августи соли 2021 саросари Афғонистонро ғасб карданд ва ба сари ҳокимияти ин кишвар нишастанд. Бо гузашти се сол, баъзе кишварҳои абарқудрат ба мисли Русияву Чин ва кишварҳои Осиёи Марказӣ ба таври ошкору пинҳон бо Толибон ҳамкорӣ мекунанд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - «Афғонистон» бихонед.
“Вазир имзо гузошт, бояд намоиш дода шавад!” Дар Душанбе мушкили театри тоҷикро ба саҳна гузоштанд
Асланшоҳ Раҳматуллоев: Бояд ҷавонони боистеъдодро нигоҳ дорем ва аз ҳунарашон истифода барем
Ҳалокати беш аз 50 нафар дар таркиши кони ангишт дар Эрон
Гиромидошти рӯзи Рӯдакӣ дар Тоҷикистон бо ширкати андаки ҳаводорони шеър
Аз 3 то 8 ҳазор сомонӣ. 40 зан дар Хуҷанд соҳиби гранти раиси шаҳр шуданд
“Инфрасохтори маҳдуд ва сатҳи пасти саводнокии рақамӣ”. Мавқеи поёнтари Тоҷикистон дар рейтинги рушди ҳукумати электронӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Муши мағрур"
8 соат дар як шабонарӯз. "Барқи тоҷик" гуфт, дар кишвар расман "лимит"-и барқ ҷорӣ шуд
Ба SIM-кортатон худатон масъулед. Чӣ мешавад, агар он ба дасти каси дигар афтад?
Ҷоми ҷаҳони футзал барои Тоҷикистон поён ёфт
Кулли ахбор
Авторизуйтесь, пожалуйста