Юнус Сезер, раиси Оҷонси мубориза бо офатҳои табиӣ (AFAD)-и Туркия гуфт, теъдоди қурбониёни заминларза дар ҷанубу шарқи кишвар ба 47 975 нафар расид, хабар медиҳад хабаргузории Anadolu.
Ба гуфтаи ӯ, дар миёни кушташудагон ҳудуди 6 ҳазору 278 нафар шаҳрвандони хориҷӣ, аксаран шаҳрвандони Сурия будаанд.
Теъдоди захмиён аз 115 хазор нафар гузашт.
“Дар минтақа зилзилаҳои такрорӣ то ҳол идома доранд. Аз ин рӯ, мо гурӯҳҳои наҷотро дар ҳолати омодабош нигоҳ медорем. Тақрибан 300 наҷотдиҳандаи дигар аз кишварҳои хориҷӣ низ дар он ҷо қарор доранд”, - гуфтааст Юнус Сезер.
Ба таъкиди ӯ 74 ҳавопаймо ва 99 чархбол ба минтақаи заминларза кӯмакҳои башардӯстона ва хаймаҳо интиқол медиҳанд.
“Ба ҳамаи маҳалҳо бо роҳи хушкӣ ва ҳавоӣ расонидани озуқаворӣ давом дорад. Дар вилоят 12 хазору 140 техникаи бинокорию махсус фаъолона кор мекунанд. Теъдоди онҳое, ки дар хаймаҳо, шаҳрчаҳои контейнерӣ ва истироҳатгоҳҳо ҷойгир шудаанд, қариб ба 1 миллиону 800 ҳазор нафар мерасад. Дар вилоят 17 ҳазору 787 контейнер гузошта шудааст”, - Юнус Сезер.
Раиси AFAD гуфта, ки 935 722 нафар аз минтақаи офат таҳвил дода шудаанд.
Дар ҳамин ҳол, тибқи иттилои France24, теъдоди умумии кушташудагон дар Сурия ба 5 ҳазору 914 нафар расидааст.
Ёдовар мешавем, ки шаби 6-уми феврал дар ҷанубу шарқи Туркия заминларзаи 7,7 дараҷаӣ ва баъд аз он, як заминларзаи дигар ба шиддати 7,6 дараҷа рух дод. Заминларза ба Сурия низ таъсир расонд.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста