Додситони кулли Тоҷикистон гуфтааст, ки соли 2022 нисбати 252 нафар шахсони мансабдор барои заминфурӯшӣ ва истифодаи нодурусти он парвандаҳои ҷиноятӣ оғоз кардааст. Як раиси ноҳия, як муовини раиси ноҳия ва раиси ҷамоат барои фурӯши беш аз 40 га замин муттаҳам шудаанд.
Юсуф Раҳмон, додситони кулли Тоҷикистон, ки дар Маҷлиси миллии Маҷлиси Олии Ҷумҳурии Тоҷикистон ҳисобот медод, гуфтааст, соли сипаришуда зиёда аз 6 ҳазор қонунвайронкуниҳо ошкор ва нисбати 6 ҳазору 550 нафар чораҳои таъсиррасонии прокурорӣ татбиқ гардидааст.
“Нисбати 252 нафар шахсони мансабдор парвандаҳои ҷиноятӣ оғоз карда шуданд”, - афзудааст Юсуф Раҳмон.
Додситони кулли Тоҷикистон зикр кардааст, ки барои фурӯши 11 га замин бар ивази 1 млн сомонӣ собиқ раиси ноҳияи Шаҳритус Рамазон Оймаҳмадзода ба ҷавобгарии ҷиноятӣ кашида шудааст.
Бо ҷурми заминфурӯшӣ Исҳоқ Гулҳусейнов, муовини раиси ноҳияи Қубодиён, низ гунаҳкор дониста шудааст. Ӯ бошад, ба иттилои мақомот 13 га заминро бар ивази 54,5 ҳазор сомонӣ фурӯхтааст.
Зикри номи Исҳоқ Гулҳусейнов дар ҳолест, ки ӯ моҳи майи соли 2021 аз бемории илтиҳоби шуш дар беморхона фавтидааст.
Юсуф Раҳмон гуфтааст, ки раиси ҷамоати деҳоти ноҳияи Варзоб К.Каримов зиёдтар аз ҳама заминфурӯшӣ кардааст. Номбурда бо фурӯши 20,6 га замин бар ивази 600 ҳазор сомонӣ ва 100 000 доллар гумонбар дониста шуда, бар зиддаш парвандаи ҷиноятӣ боз гардидааст.
“Гарчанде дар самти назорати риояи истифодаи самаранок ва оқилонаи замин корҳои муайяне ба сомон расонида шуда истода бошад ҳам, тақсимоти ноодилонаи қитъаҳои замин, сохтакории ҳуҷҷатҳо, хариду фурӯш ва худсарона ишғол кардани қитъаҳои замин идома доранд”, - нигаронӣ кардааст додситони кулл.
Ба гуфтаи ӯ, 16 ҳазору 32 гектар қитъаҳои замини худсарона ишғолгардида баргардонида шуда, 16,9 (5,8) млн сомонӣ маблағи зарар барқарор карда шудааст.
Гуфтан ба маврид аст, ки масъалаи фурӯши ғайриқонунии замин ва истифодаи нодурусти он яке аз мушкилҳои мубрами ҷомеа буда, қаблан Эмомалӣ Раҳмон, раисиҷумҳури кишвар низ аз ин мушкил изҳори нигаронӣ карда буд. Ӯ таъкид карда буд, ки “бархе аз раисои шаҳру навоҳӣ, ҷамоатҳои деҳот ба ҷойи монеъа шудан ба қонуншиканӣ дар самти истифодаи замин, худашон қарорҳои ғайриқонунӣ содир намуда, инчунин ғайриқонунӣ ба аҳолӣ қитъаи замин ҷудо мекунанд”.
Кумитаи андоз исми 16 блогерро нашр карда гуфт, онҳо ба "соҳибкории ғайриқонунӣ машғуланд"
Дар орзуи шароити хуби корӣ. Кӯҳнадӯзони Хуҷанд дар барфи зимистону гармои тобистон чӣ кор мекунанд?
Тоҷикистон барои сохтмони пули дарозтарин дар кишвар қарз дарёфт кард
Боздошти як корманди Комиссариати ҳарбӣ барои гирифтани пора дар Темурмалик
Раиси пешин ва нави ҲДТ дар интизори хулосаи Вазорати адлия. Усмонзода аз мандати вакили парлумон маҳрум мешавад?
Қазоқистон ба Тоҷикистон барои таҳсили IT-мутахассисон 100 ваучер дод
Тағйироти кадрӣ: писари Маҳмадсаид Убайдуллоев аз вазифа рафт
Роҳбари ширкатеро, ки автобусаш дар Петербург ба дарё афтод, низ ду моҳ ба ҳабс гирифтанд
Дар Душанбе як зан фарзанди нахустини худро дар "Олуча Такси" ба дунё овард
Даромад аз шағал муҳимтар аз амнияти одамон? Шикояти сокинони маҳаллаи селзадаи Ваҳдат аз хунукназарии масъулин
Кулли ахбор
Авторизуйтесь, пожалуйста