Раёсати Вазорати корҳои дохилӣ дар шаҳри Душанбе имрӯз аз боздошти ҷавоне хабар дод, ки омӯзгори худро латукӯб кардааст. Ба гуфтаи манбаъ, ин ҷавон Назаров Беҳзод ном дошта, донишҷӯи Донишгоҳи тиҷоратии Тоҷикистон мебошад.
"Номбурда санаи 19 сентябри соли ҷорӣ, дар дохили синфи донишгоҳи мазкур, омӯзгори фанни "Этика ва эстетика" Султонов Тоҳирро дашном дода, латукӯб кардааст", - навиштааст РВКД дар шаҳри Душанбе.
Пулис шарҳи бештар надодааст, танҳо гуфта мешавад, ки номбурдаро барои содир намудани ҷинояти авбошӣ дастгир кардааст ва тафтишоти пешакӣ давом дорад.
Назари худи дастгир шуда ва наздикону пайвандонаш дар робита ба ин қазия маълум нест.
Ёдовар мешавем, ки дар оғози соли таҳсили имсол раисиҷумҳури Тоҷикистон Эмомалӣ Раҳмон дар мулоқот бо кормандони соҳаи маориф ва донишҷӯён ба ҳукумат дастур дода буд, ки лоиҳаи қонун “Дар бораи мақоми омӯзгор”-ро омода карда, ба парлумон пешниҳод кунад.
Раисҷумҳур аз мушкилоти сершумори соҳаи маориф изҳори нигаронӣ намуда, зикр кард, ки ба шарофати меҳнати садоқатмандонаи омӯзгорон наслҳое ба воя мерасанд, ки барои беҳбудии давлат ва беҳтар шудани сифати зиндагии мардум саҳм мегузоранд.
“Эҳтиром ба омӯзгор эҳтиром ба ояндаи миллат аст”, - таъкид карда буд Эмомалӣ Раҳмон ва афзуд, ки омӯзгоронро бояд дастгирӣ намуда, мавқеъ ва нуфузи онҳоро дар ҷомеа афзоиш дод.
Аз $160 то 6600. Нархи иҷораи хона дар пойтахтҳои кишварҳои Осиёи Марказӣ чанд аст?
“Вазир имзо гузошт, бояд намоиш дода шавад!” Дар Душанбе мушкили театри тоҷикро ба саҳна гузоштанд
Асланшоҳ Раҳматуллоев: Бояд ҷавонони боистеъдодро нигоҳ дорем ва аз ҳунарашон истифода барем
“Толибон” истифодаи телефонро ба кормандони давлатӣ манъ карданд
Ҳалокати беш аз 50 нафар дар таркиши кони ангишт дар Эрон
Гиромидошти рӯзи Рӯдакӣ дар Тоҷикистон бо ширкати андаки ҳаводорони шеър
Аз 3 то 8 ҳазор сомонӣ. 40 зан дар Хуҷанд соҳиби гранти раиси шаҳр шуданд
“Инфрасохтори маҳдуд ва сатҳи пасти саводнокии рақамӣ”. Мавқеи поёнтари Тоҷикистон дар рейтинги рушди ҳукумати электронӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Муши мағрур"
8 соат дар як шабонарӯз. "Барқи тоҷик" гуфт, дар кишвар расман "лимит"-и барқ ҷорӣ шуд
Кулли ахбор
Авторизуйтесь, пожалуйста