Мувофиқи қонунгузории ҷумҳурӣ, 30 рӯз пеш аз интихоботи президент қабули ҳуҷҷатҳо барои бақайдгирии номзадҳо ба мансаби президентӣ қатъ мегардад. Дар интихоботи ҳозира ин сана нимашаби 10 сенятбр ба охир расид.
“То ин вақт аз адвокати ҷавон аз шаҳри Хоруғ Фаромӯз Иргашов барои сабти расмии номзадиаш ба мансаби президентӣ ягон ҳуҷҷат ба Комиссияи марказии интихобот ва раъйпурсӣ (КМИР)-и Тоҷикистон пешниҳод нашуд”, - изҳор дошт ба Азия Плюс” раиси дастагоҳи КМИР ҶТ Наврӯз Самадзода.
Ба гуфтаи ӯ, мувофиқи меъёрҳои қонунгузории Тоҷикистон, номзадҳо ба мансаби президентӣ барои сабтином дар КМИР, ба ҷонибдории худ бояд на камтар аз 5% аз шумори умумии интихобкунандагон имзо ҷамъоварӣ кунанд.
Дар маъракаи интихоботи президентии кунунӣ 5%-и имзои интихобкунандагон 245 ҳазору 100 нафар аст.
Дар КМИР аз эҳтимол дур намедонанд, ки адвокати ҷавон ба дастгирии ин миқдор шумори интихобкунандагон даст наёфтааст.
Қаблан адвокати 30-сола аз Хоруғ Фаромӯз Иргашов изҳор дошт, ки номзадии худро ба маъракаи интихоботи президент ҷумҳурӣ пешбарӣ мекунад.
Ин тасмими худро ӯ дар навори видеои рӯзи 2 сентябр нашршуда дар Facebook ва Youtube баён кард. Дар навор Иргашов дар бораи сабабҳои пешбарии номзадиаш мухтасар маълумот дода, дар ҷамъоварии шумори зарурии имзоҳо кумак хост.
Мусоҳибаи хабарнигори “Азия-Плюс” бо Фаромуз Иргашов бо суроғаи зерин қобили дарёфт аст.
Дар ҳамин ҳол, дар ҷаласаи рӯзи 13 сентябри КМИР Тоҷикистон 5 номзад ба мансаби президентӣ дар интихоботи моҳи октябр расман ба қайд гирифта шуданд.
Имрӯз КМИР масъалаи сабти расмии номзад аз Ҳизби демократи Тоҷикистон - раиси он Саидҷаъфар Усмоновро баррасӣ мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста