Ҳамдуллоҳи Фитрат, муовини сухангӯи гурӯҳи Толибон* гуфтааст, хостори барқарор кардани робитаи хуб бо Тоҷикистон ҳастанд. Дар ин бора телевизиони “Тулӯъ нюс” хабар медиҳад.
“Аз ин ки Тоҷикистон кишвари ҳамсоя ва мусулмон аст, мехоҳем равобити хуб дошта бошем. Ҳайати ду тараф дар ин авохир рафтуомад доштанд ва умед дорем пешрафтҳое дар ин замина дар оянда сурат гирад”, - афзудааст Ҳамдуллоҳи Фитрат.
Вале ӯ дақиқ нагуфтааст, ки ин рафтуомадҳо кай ва чӣ гуна сурат гирифтаанду киҳо дар он ширкат доштаанд.
Бояд гуфт, ин бори аввал нест, ки намояндаҳои Толибон аз хуб шудани робита бо Тоҷикистон гап мезананд. Чанде қабл Мавлавӣ Абдулкабир, муовини сиёсии нахуствазири Толибон гуфта буд, ки муносибати ин гурӯҳ бо Тоҷикистон дар ҳоли беҳтар шудан аст.
Тавре ки “Тулуъ нюс” менависад, ӯ ин нуктаро дар вохӯрӣ бо намояндаҳои бархе аз донишгоҳҳои хусусӣ дар Кобул изҳор дошта, афзудааст, ки диду боздиди намояндаҳои ду тараф бештар шудаанд. Аммо ин мақомдори Толибон ҳам аз ҳеҷ вохӯрие мушаххас ном набурда буд.
Тибқи иттилоъи манбаъ, ӯ эътироф кардааст, ки Толибон бо бархе аз кишварҳои ҳамсоя мушкил доранд, аммо ба гуфтаи ӯ, гузаргоҳҳои бозаргонии Афғонистон барои тиҷорат боз аст.
“Равобити сиёсии мо бо Тоҷикистон дар ҳоли беҳбуд аст ва нисбат ба гузашта дар он тафовут дида мешавад. Ҳайати онҳо ин ҷо омад ва ҳайати мо он ҷо рафт. Иншоаллоҳ рафтуомад бештар ҳам мешавад. Тиҷорати мо тариқи гузаргоҳи Шерхонбандар ҳам ҷараён дорад ва мушкил надорем”, - баён доштааст ин мақомдори Толибон.
Аммо Тоҷикистон ба ин ду хабар то ҳол вокунише накардааст ва маълум нест, гуфтаҳои Толибон то куҷо ҳақиқат дорад.
Тоҷикистон аз замони дигарбора қудратро ба даст гирифтани Толибон дар Афғонистон аз ин гурӯҳ интиқод мекунад ва борҳо хостори ташкили ҳукумати ҳамашумул дар ин кишвар шуда буд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Моҳи бахшиши гуноҳҳо. Далелҳои ҷолиб дар бораи моҳи шарифи Рамазон
Шаби 26 - 27-уми март “Шаби қадр” аст
Садҳо овозхону ҳунарпеша аз Ӯзбекистону Қирғизистон дар ҷашни асосии Наврӯзи Тоҷикистон ширкат мекунанд
Таъсиси “Фонди тақсими фоида” аз фурӯши нерӯи барқи “Роғун”
Мақомоти Тоҷикистон бори дигар аз муҳоҷирон хостанд, ҳузурашон дар Русияро қонунӣ гардонанд ва пеш аз сафар аз санҷиш гузаранд
Кӯдакони муҳоҷирони тоҷик чӣ гуна ба мактабҳои Русия қабул карда мешаванд?
Амрико 10 миллион доллар ҷоиза барои боздошти Сироҷиддин Ҳаққониро бекор кард
Қирғизистон Шартномаи марз бо Тоҷикистон ва созишномаҳо дар бораи роҳ ва чорроҳаҳоро ба тасвиб расонид
Ҷоми Осиё-2027. Тоҷикистон марҳилаи интихобиро бо пирӯзӣ оғоз кард
Барои афзоиши истеҳсоли гӯшту тухм ва асалу моҳӣ 133 млн сомонӣ ҷудо мешавад
Кулли ахбор
Авторизуйтесь, пожалуйста