Собиқ ректори Донишгоҳи миллии Тоҷикистон Маҳмадюсуф Имомов вазири маориф ва илми Тоҷикистон таъин шуд.

Дар ин мансаб ӯ Нуриддин Саидро иваз кард, ки тайи 8 соли охир дар ин вазифа кор мекард. Бо фармони президент ӯ раиси Кумитаи телевизион ва радиои назди ҳукумати ҶТ таъин шуд. Дар ин вазифа ӯ Маҳмадсаид Шоҳиёнро иваз кард.

Нуриддин Саид академики улуми фалсафа аст. Аз соли 2008 раисҷумҳур ба ӯ вазифаҳои роҳбариро бовар карда,  ректори Донишгоҳи давлатии омӯзгории ба номи Садриддин Айнӣ таъин кард.

Сипас ӯ ректори Донишгоҳи миллии Тоҷикистон таъин шуда, узви Маҷлиси миллии Маҷлиси Олии ҶТ даъвати чаҳорум интихоб шуд.

Аз 10-уми январи соли 2012 вазири маорифи Тоҷикистон буда, 27-уми ноябри соли 2013 дубора ба ин вазифа таъин шуд.

Нуриддин Саид
TajInfo.Org

Ҳасби ҳол: Маҳмадюсуф Имомов соли 1981 факултаи филологияи Донишгоҳи давлатии ба номи Ленинро хатм кардааст. Доктори илмҳои филологӣ, профессор мебошад.

Аз соли 1981 – сарлаборанти факултаи филологияи Донишгоҳи давлатии Тоҷикистон.

Аз моҳи ноябри соли 1984 то ноябри соли 1985 – коромӯз-муҳаққиқи Донишгоҳи адабиёти ҷаҳонии ба номи М.Горкийи Маскав.

Аз моҳи ноябри соли 1985 то ноябри соли 1988 – таҳсил дар аспирантураи Донишкадаи забон ва адабиёти ба номи Рӯдакӣ, Академияи илмҳои Тоҷикистон.

Аз соли 1988 – корманди илмии шуъбаи адабиёти шӯравии тоҷики Донишкадаи забон ва адабиёти ба номи Рӯдакӣ, АИ ҶТ, сармуаллим, унвонҷӯй (дотсент)-и кафедраи назарияи адабиёти муосири тоҷик, муовини декани факултаи филологияи Донишгоҳи давлатии миллии Тоҷикистон.

Аз моҳи августи соли 1999 то соли 2004 – декани факултаи филологияи Донишгоҳи давлатии миллии Тоҷикистон.

Аз соли 2004 то 27-уми августи соли 2012 – ректори Донишгоҳи славянии Русия ва Тоҷикистон.

Аз соли 2012 то имрӯз ба ҳайси ректори Донишгоҳи миллии Тоҷикистон ифои вазифа мекард.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.