Муовини якуми раиси ВМКБ бо пешниҳоди раиси нави вилоят ба президент Низом Мирзозода таъйин шудааст.
“Субҳи имрӯз, 12 ноябр, дар як ҷаласаи махсус аз ҷониби мушовири калони бахши Ёрдамчии раисҷумҳур оид ба масъалаҳои кадрҳо Давлатзода Музаффар муовини якум Мирзозода Низом Юсуфӣ муаррифӣ шуд”, - хабар медиҳад хадамоти матбуоти раиси ВМКБ.
Давлатзода Музаффар аз кордонию таҷрибаи муовини якуми навтаъин сухан гуфта, таъкид кардааст, ки ӯ дар ин симмат барои рушду инкишофи вилоят саҳми сазовор хоҳад гузошт.
Раиси ВМКБ Мирзонабот Алишер гуфтааст, Бадахшон имрӯз ба кадрҳои баландихтисос, махсусан, дар соҳаи сохтмон, ниёз дорад.
“Итминон дорем, ки бо таъини чунин шахси кордон соҳаи мазкур вусъати тоза касб менамояд”, - гуфтааст Алишер Мирзонабот.
Шарҳи ҳол
Аз Мирзозода Низом Юсуфӣ ҳамчун кадри соҳаи сохтмон ёдовар мешаванд, ки солҳои зиёд ба вазифаҳои роҳбарии мақомоти сохтмон фаъолият кардааст. Охирин мансаби ӯ дар ин соҳа муовини раиси Кумитаи меъморӣ ва сохтмони назди ҳукумат буд, ки 13 январи соли 2020 бо қарори ҳукумати Тоҷикистон озод гардид.
Низом Юсуфӣ 10-уми январи соли 1962 дар ноҳияи Муъминободи вилояти Хатлон таваллуд шуда, дар вазифаҳои гуногуни давлатӣ аддои вазифа намудааст. Хатмкардаи Донишкадаи политехникии Тоҷикистон ба ихтисоси муҳандиси сохтмонҳои саноатӣ ва гражданӣ, сиёсатшинос мебошад.
Фаъолияти кории худро аз вазифаи муҳандиси лабораторияи сохтмонии “Кулобдеҳотсоз”-и шаҳри Кӯлоб оғоз намуда, то муовини раиси вилояти Хатлон адои вазифа намудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста