Имрӯз, 16-уми март, Эмомалӣ Раҳмон, Президенти Ҷумҳурии Тоҷикистон дар ҳайати ҳукумат ва судҳои кишвар як қатор тағйироти кадрӣ анҷом дод. Дар ин бора сомонаи Президенти Ҷумҳурии Тоҷикистон иттилоъ медиҳад.
Ҳамин тавр, бо фармони Президенти Ҷумҳурии Тоҷикистон Ҷалилзода Хусрав Раҷабалӣ, бинобар ба кори дигар гузаштан, аз вазифаи муовини раиси суди иқтисодии вилояти Хатлон озод карда шуд. Маълум нест, ки ӯ ба кадом вазифа таъин гардидааст ва ҳамчунин, ба ҷойи ӯ низ кӣ таъйин шудааст.
Мирзозода Парвиз Таваккал бошад, бо фармони Президенти Ҷумҳурии Тоҷикистон раиси суди иқтисодии вилояти Суғд таъин гардид. Ӯ қаблан дар вазифаи судяи Суди олии иқтисодии Тоҷикистон кор мекард ва моҳи декабри соли 2022 аз вазифа бозхонд шуда буд.
Ҳамчунин, имрӯз Эмомалӣ Раҳмон, раиси Ҳукумати Ҷумҳурии Тоҷикистон, як қатор қарорҳоро дар хусуси тағйироти кадрӣ дар ҳайати ҳукумат имзо намуд.
Ҳамин тавр, бо қарори Ҳукумати Ҷумҳурии Тоҷикистон Хайрзода Шукрулло Қурбоналӣ аз вазифаи муовини вазири маориф ва илми Ҷумҳурии Тоҷикистон озод ва ба вазифаи ректори Донишгоҳи давлатии Данғара таъин карда шуд.
Шоҳиён Нуралӣ Набот, ки то ин дам дар вазифаи ректори Донишгоҳи давлатии Данғара фаъолият дошт, бо сабаби ба нафақа баромадан, аз вазифа озод гардид.
Шерзода Ситора Ҷалол бо сабаби ба кори дигар гузаштан аз вазифаи муовини директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон озод карда шуда, ба ҷойи ӯ Рустамзода Малоҳат Рустам таъин карда шуд.
Аламзода Исроил Бобо муовини якум ва Мирзозода Ардашери Абдуғаффор муовини сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон низ аз кор озод карда шуданд. Ҳар ду онҳо бо сабаби кори дигар гузаштан, аз вазифа озод гардиданд.
Дар ҳайати роҳбарии Агентии беҳдошти замин ва обёрии назди Ҳукумати Ҷумҳурии Тоҷикистон низ тағйирот сурат гирифт. Ҷумазода Сабур Ҷамол бо сабаби ба нафақа баромадан аз вазифаи муовини директори Агентии мазкур озод гардида, Зарифзода Хуршед Зариф муовини якум ва Сафарзода Алим муовини директори Агентии беҳдошти замин ва обёрии назди Ҳукумати Ҷумҳурии Тоҷикистон таъин карда шуданд.
Дар Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон бошад, Мирзозода Ардашери Абдуғаффор муовини якум ва Азиззода Табассум Баҳром муовини сардори Хадамот таъин карда шуд.
Ҳамчунин, Каримзода Раъно Алиҷон муовини раиси Кумитаи бехатарии озуқавории назди Ҳукуматии Ҷумҳурии Тоҷикистон таъин карда шуд.
Имрӯз, инчунин бо амри Президенти Ҷумҳурии Тоҷикистон Назарзода Зарина Нарзиқул муовини директори Агентии омори назди Президенти Ҷумҳурии Тоҷикистон таъин карда шуд.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста